സാലറി കട്ട്; സര്ക്കാര് ഓര്ഡിനന്സ് നിയമാനുസൃതമെന്ന് ഹൈക്കോടതി
കൊച്ചി:സര്ക്കാര് ജീവനക്കാരുടെ ആറ് ദിവസത്തെ ശമ്പളം കട്ട് ചെയ്യാനുള്ള ഓര്ഡിനന്സിന് സ്റ്റേയില്ല.ഓര്ഡിനന്സ് ഇറക്കാന് സര്ക്കാരിന് അധികാരമുണ്ടെന്ന് ഹൈക്കോടതി വ്യക്തമാക്കി. ശമ്പളം കട്ട് ചെയ്യുകയല്ല മാറ്റിവയ്ക്കുകയാണെന്ന് കോടതി പറഞ്ഞു.തിരക്കിട്ട് ഇറക്കിയ ഓര്ഡിനന്സ് നിമാനുസൃതമല്ലെന്ന പ്രതിപക്ഷ സംഘടനകളുടെ വാദം കോടതി തള്ളി.
സാമ്പത്തിക പ്രതിസന്ധിയിലായതിനാല് ഇപ്പോള് ശമ്പളം പിടിക്കേണ്ടത് അനിവാര്യമാണെന്ന് സര്ക്കാര് അഭിഭാഷകന് നേരത്തേ കോടതിയില് പറഞ്ഞിരുന്നു.ഇതിനെതിരേ ഉത്തരവുണ്ടായാല് സംസ്ഥാനത്തെ കൊവിഡ് പ്രതിരോധ പ്രവര്ത്തനങ്ങളെ ബാധിക്കും. പാവപ്പെട്ടവരാകും കഷ്ടത്തിലാവുക.ആരുടെയും മൗലികാവകാശം ലംഘിക്കുന്നതല്ല ഓര്ഡിനന്സെന്നും സര്ക്കാര് വ്യക്തമാക്കി.