സിംബാബ്വേ മുന് പ്രസിഡന്റ് റോബര്ട്ട് മുഗാബെ അന്തരിച്ചു
ജോഹന്നാസ്ബെര്ഗ്: സിംബാബ്വേ മുന് പ്രസിഡന്റ് റോബര്ട്ട് മുഗാബെ (95) അന്തരിച്ചു. സിംഗപ്പുരില് വെള്ളിയാഴ്ച രാവിലെയായിരുന്നു അന്ത്യമെന്ന് അദ്ദേഹത്തിന്റെ കുടുംബ വൃത്തങ്ങൾ വ്യക്തമാക്കി. 95 വയസ്സായിരുന്നു. നാല് പതിറ്റാണ്ടോളം നീണ്ടുനിന്ന ഭരണത്തിനൊടുവില് 2017 നവംബറിലാണ് മുഗാബെ അധികാരത്തില്നിന്ന് പുറത്താക്കപ്പെട്ടത്. പ്രായാധിക്യത്തെ തുടര്ന്നുള്ള രോഗങ്ങള് കാരണം ഏപ്രില് മുതല് അദ്ദേഹം സിംഗപ്പുരില് ചികിത്സയിലായിരുന്നു.
1921 ഫെബ്രുവരി 24നു ജനിച്ച മുഗാബെ, സിംബാബ്വേയുടെ സ്വാതന്ത്ര്യസമര നായകനും ആദ്യ പ്രധാനമന്ത്രിയുമായി മാറി. 1980ല് സിംബാബ്വേയുടെ പ്രധാനമന്ത്രിയായി തിരഞ്ഞെടുക്കപ്പെട്ടു. 1987ല് പ്രസിഡന്റായി. പിന്നീട് 2017വരെ അദ്ദേഹം ആ സ്ഥാനത്ത് തുടര്ന്നു.