റാഗിംങ്; മംഗളൂരുവില്‍ 11 മലയാളി വിദ്യാര്‍ഥികള്‍ അറസ്റ്റില്‍
ജൂനിയര്‍ വിദ്യാര്‍ഥികളെ റാഗിംങ് ചെയ്ത മലയാളി വിദ്യാര്‍ഥികള്‍ അറസ്റ്റില്‍. മംഗളൂരുവിലെ ഉള്ളാള്‍ കനച്ചൂര്‍ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സിലെ അഞ്ച് വിദ്യാര്‍ഥികളാണ് റാഗിംങിന് ഇരയായത്. ഇവര്‍ മലയാളികളാണ്.
ഫിസിയോതെറാപ്പി, നഴ്സിംഗ് വിദ്യാര്‍ഥികളായ 11 പേരെയാണ് അറസ്റ്റ് ചെയ്തത്. കോഴിക്കോട്, കോട്ടയം, കാസര്‍ഗോഡ്, പത്തനംതിട്ട സ്വദേശികളാണ് ഇവര്‍.
താടിയും മീശയും വടിപ്പിക്കുകയും, തീപ്പെട്ടിക്കൊള്ളിക്കൊണ്ട് മുറി അളപ്പിക്കുകയും എണ്ണിപ്പിക്കുകയും ചെയ്താണ് ഇവര്‍ റാഗ് ചെയ്തത്. കുട്ടികള്‍ നല്‍കിയ പരാതിയുടെ അടിസ്ഥാനത്തില്‍ കോളജ് അധികൃതര്‍ പൊലീസിനെ സമീപിക്കുകയായിരുന്നു.
ഗുരുതരമായ വകുപ്പുകളാണ് പ്രതികള്‍ എതിരെ പൊലീസ് ചുമത്തിയിരിക്കുന്നത്. കര്‍ണാടകയില്‍ റാഗിങിനെ എതിരെ പുതുതായി കൊണ്ടുവന്ന നിയമപ്രകാരമാണ് കേസ് എടുത്തിരിക്കുന്നത്. ഇന്നലെയാണ് ഇവരുടെ അറസ്റ്റ് രേഖപ്പെടുത്തിയത്‌
Related News
മംഗളൂരു ബോട്ടപകടം: ഒരു മൃതദേഹംകൂടി കണ്ടെത്തി
മംഗളൂരു ബോട്ടപകടം; തെരച്ചില് തുടരുന്നു
മംഗളൂരു - തിരുവനന്തപുരം മലബാര് എക്സ്പ്രസില് തീപിടുത്തം