എറണാകുളത്തെ വോട്ടെടുപ്പ് മാറ്റില്ല; സമയം നീട്ടി നൽകും: ടിക്കാറാം മീണ
കൊച്ചി ∙ എറണാകുളത്തെ പോളിങ് മാറ്റിവയ്ക്കേണ്ട സാഹചര്യമില്ലെന്നു മുഖ്യ തിരഞ്ഞെടുപ്പ് ഓഫിസർ ടിക്കാറാം മീണ. ആവശ്യമെങ്കിൽ സമയം നീട്ടി നൽകും. കനത്ത മഴയിൽ ദുരിതങ്ങൾ ഉണ്ടെങ്കിലും വോട്ടർമാർ സഹകരിക്കണമെന്നും മീണ അഭ്യർഥിച്ചു. എറണാകുളത്തെ കനത്ത മഴയെ തുടർന്നു മുഖ്യ തിരഞ്ഞെടുപ്പ് ഓഫിസർ കലക്ടറുടെ റിപ്പോർട്ട് തേടിയിരുന്നു. കേരളത്തിലെ വട്ടിയൂർക്കാവ്, കോന്നി, അരൂർ, എറണാകുളം, മഞ്ചേശ്വരം എന്നീ മണ്ഡലങ്ങളിലെ ഉപതിരഞ്ഞെടുപ്പിനുള്ള പോളിങ് രാവിലെ 7 മണിക്ക് ആരംഭിച്ചിരുന്നു.
മഞ്ചേശ്വരം ഒഴികെയുള്ള മണ്ഡലങ്ങളിൽ രാവിലെമുതൽ കനത്ത മഴയാണ്. ഏറ്റവും കൂടുതൽ മഴ ബാധിച്ചിരിക്കുന്നതും എറണാകുളം മണ്ഡലത്തിലാണ്.