കേരളത്തില് ശക്തമായ മഴക്ക് സാധ്യത; വിവിധ ജില്ലകളില് യെല്ലോ അലര്ട്ട്
തിരുവനന്തപുരം: ടൗട്ടെ ചുഴലിക്കാറ്റ് കേരള തീരത്തു നിന്ന് അകന്നെങ്കിലും അടുത്ത 24 മണിക്കൂര് നേരത്തേക്ക് കൂടി ചുഴലിക്കാറ്റിന്റെ സ്വാധീനം മൂലം കേരളത്തില് ഒറ്റപ്പെട്ട ശക്തമായ മഴ തുടരുമെന്ന് കേന്ദ്ര കാലാവസ്ഥ വകുപ്പ്. ഇതേത്തുടര്ന്ന് വിവിധ ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്. കഴിഞ്ഞ ദിവസങ്ങളില് അതിശക്തമായ മഴ ലഭിച്ച പ്രദേശങ്ങളില് വീണ്ടും ശക്തമായ മഴ ലഭിക്കുന്നത് അപകടത്തിനിടയാക്കുമെന്നതിനാല് അതീവ ജാഗ്രത തുടരണമെന്നും കാലാവസ്ഥ വകുപ്പ് അറിയിച്ചു.
ശക്തമായ മഴക്കുള്ള സാധ്യതയുള്ളതിനാല് തൃശൂര് ജില്ലയില് ഇന്നും (മെയ് 17 തിങ്കള്) മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളില് ഇന്നും നാളെയുമായും(ചൊവ്വാഴ്ച) യെല്ലോ അലര്ട്ട് പ്രഖ്യാപിച്ചിട്ടുണ്ട്.