46 തസ്തികയില്‍ പിഎസ്‌സി വിജ്ഞാപനം

Ajith.A

08 March 2021 03:07 PM

സംസ്ഥാനത്ത് സര്‍വകലാശാല അനധ്യാപക തസ്തികകള്‍ ഉള്‍പ്പെടെ 46 തസ്തികയിലേക്ക് ഉടന്‍ വിജ്ഞാപനം പ്രസിദ്ധീകരിക്കാന്‍ പിഎസ്‌സിയുടെ തീരുമാനം .മാര്‍ച്ച്‌ പകുതിയോടെ പുറത്തിറക്കും. ജനറല്‍ റിക്രൂട്മെന്റിനു പുറമേ സ്പെഷല്‍ റിക്രൂട്മെന്റ്, എന്‍സിഎ വിജ്ഞാപനങ്ങളുമുണ്ട്.

പുതിയ വിജ്ഞാപനങ്ങള്‍ സംബന്ധിച്ച വിവരങ്ങള്‍:

ജനറല്‍ സംസ്ഥാനതലം: മെഡിക്കല്‍ വിദ്യാഭ്യാസ വകുപ്പില്‍ മെഡിക്കല്‍ ഓങ്കോളജി, സര്‍ജിക്കല്‍ ഓങ്കോളജി, ബയോകെമിസ്ട്രി അസിസ്റ്റന്റ് പ്രഫസര്‍, ആര്‍ട്ടിസ്റ്റ്, കെഎസ്‌ഇബിയില്‍ അസിസ്റ്റന്റ് എന്‍ജിനീയര്‍-സിവില്‍, ഇലക്‌ട്രിക്കല്‍, സപ്ലൈകോയില്‍ ജൂനിയര്‍ മാനേജര്‍ (ജനറല്‍), ക്ഷീരവികസന വകുപ്പില്‍ ഡെയറി എക്സ്റ്റെന്‍ഷന്‍ ഒാഫിസര്‍, പിന്നാക്ക വികസന കോര്‍പറേഷനില്‍ പ്രോജക്‌ട് അസിസ്റ്റന്റ്/യൂണിറ്റ് മാനേജര്‍, അക്കൗണ്ടന്റ്/സീനിയര്‍ അസിസ്റ്റന്റ്, മീറ്റ് പ്രോഡക്‌ട്സ് ഇന്ത്യ ലിമിറ്റഡില്‍ ടൈപ്പിസ്റ്റ് ക്ലാര്‍ക്ക്, ബാംബൂ കോര്‍പറേഷനില്‍ ജൂനിയര്‍ അക്കൗണ്ടന്റ് ഗ്രേഡ്-2, അഗ്രോ ഇന്‍ഡസ്ട്രീസ് കോര്‍പറേഷനില്‍ ജൂനിയര്‍ അസിസ്റ്റന്റ്.

ജനറല്‍ ജില്ലാതലം: ഐഎസ്‌എമ്മില്‍ ഫാര്‍മസിസ്റ്റ് ഗ്രേഡ്-2 (ആയുര്‍വേദം), നഴ്സ് ഗ്രേഡ്-2 (ആയുര്‍വേദം), വിവിധ വകുപ്പുകളില്‍ ഡ്രൈവര്‍ ഗ്രേഡ്-2 (എച്ച്‌ഡിവി)/ഡ്രൈവര്‍ കം ഒാഫിസ് അറ്റന്‍ഡന്റ് (എച്ച്‌ഡിവി), ഡ്രൈവര്‍ ഗ്രേഡ്-2 (എല്‍ഡിവി)/ഡ്രൈവര്‍ കം ഒാഫിസ് അറ്റന്‍ഡന്റ് (എല്‍ഡിവി), വിവിധ വകുപ്പുകളില്‍ ആയ.

സ്പെ.റി. സംസ്ഥാനതലം: മെഡിക്കല്‍ ഒാഫിസര്‍ ആയുര്‍വേദം (എസ്‌സി/എസ്ടി), വനിതാ സബ് ഇന്‍സ്പെക്ടര്‍ (എസ്ടി), സബ് ഇന്‍സ്പെക്ടര്‍ ഒാഫ് പൊലീസ് (എസ്ടി), അസിസ്റ്റന്റ് (എസ്‌സി/എസ്ടി), ടെക്നിക്കല്‍ അസിസ്റ്റന്റ് ഗ്രേഡ്-2 (എസ്ടി), ഫയര്‍ ആന്‍ഡ് റെസ്ക്യു ഒാഫിസര്‍ (ഡ്രൈവര്‍) ട്രെയിനി (എസ്‌സി/എസ്ടി), എന്‍ജിനീയറിങ് അസിസ്റ്റന്റ് ഗ്രേഡ്-1 (എസ്‌സി/എസ്ടി).

എന്‍സിഎ സംസ്ഥാനതലം: അസിസ്റ്റന്റ് ഇന്‍ഷുറന്‍സ് മെഡിക്കല്‍ ഒാഫിസര്‍ (ധീവര), പൊലീസ് കോണ്‍സ്റ്റബിള്‍ (മുസ്‌ലിം), ഡ്രൈവര്‍ ഗ്രേഡ്-2 എല്‍ഡിവി (എസ്‌സിസിസി), കോബ്ലര്‍ (എല്‍സി/ഐ), ക്ലാര്‍ക്ക് ഗ്രേഡ്-1 സൊസൈറ്റി കാറ്റഗറി (എസ്‌സി), പ്യൂണ്‍/വാച്ച്‌മാന്‍ കെഎസ്‌എഫ്‌ഇ പാര്‍ട്‌ ടൈം ജീവനക്കാരില്‍നിന്ന് (എസ്ടി), ഗാര്‍ഡ് വിമുക്തഭടന്‍മാര്‍ (എല്‍സി/എഐ), പ്രൊജക്‌ഷന്‍ അസിസ്റ്റന്റ് (ഒബിസി), സിനി അസിസ്റ്റന്റ് (വിശ്വകര്‍മ, ഈഴവ, എല്‍സി/എഐ).

എന്‍സിഎ ജില്ലാതലം: ഹൈസ്കൂള്‍ ടീച്ചര്‍ മാത്തമാറ്റിക്സ് തമിഴ് മീഡിയം (എസ്ടി), ഫാര്‍മസിസ്റ്റ് ഗ്രേ‍ഡ്-2 ആയുര്‍വേദം (എസ്‌സിസിസി, മുസ്‌ലിം), ബീറ്റ് ഫോറസ്റ്റ് ഒാഫിസര്‍ (ഹിന്ദു നാടാര്‍, എസ്‌ഐയുസി നാടാര്‍), കുക്ക് (മുസ്‍ലിം), ഡ്രൈവര്‍ സൊസൈറ്റി കാറ്റഗറി (ഈഴവ).