സ്വയംഭരണ കോളജുകളുടെ നിയന്ത്രണത്തിന് ഓര്ഡിനന്സ്
തിരുവനന്തപുരം: സ്വയംഭരണ കോളജുകളുടെ അക്കാദമിക നിലവാരം ഉറപ്പാക്കാന് ലക്ഷ്യമിട്ട് പുതിയ ഒാര്ഡിനന്സ് കൊണ്ടുവരാന് മന്ത്രിസഭ യോഗം തീരുമാനിച്ചു. സ്വയംഭരണ കോളജിനായി നാല് അക്കാദമിക് കമ്മിറ്റികള് വരും. അക്കാദമിക നിലവാരം വിലയിരുത്താന് ഇേന്റണല് ക്വാളിറ്റി അഷുറന്സ് സെല്, അതിനു കീഴില് അക്കാദമിക വിദഗ്ധ സമിതി, സ്വയംഭരണ കോളജിന് അപേക്ഷിക്കുന്ന കോളജിെന്റ യോഗ്യത പരിശോധിക്കാന് വിദഗ്ധ സമിതി, അഡ്മിഷനും ഫീസും സംബന്ധിച്ച പരാതി പരിഹരിക്കാന് കമ്മിറ്റി എന്നിവ രൂപവത്കരിക്കണം. ആന്റി റാഗിങ് കമ്മിറ്റിയും വനിതകളുടെ പരാതികള് പരിഹരിക്കാന് സ്ത്രീപീഡനം തടയുന്നതിനുവേണ്ടിയുള്ള കമ്മിറ്റിയും സ്വയംഭരണ കോളജില് രൂപവത്കരിക്കണമെന്നും ഒാര്ഡിനന്സില് വ്യവസ്ഥ ചെയ്യുന്നു.
ഭേദദഗതി പ്രകാരം വര്ഷത്തില് ഏത് സമയത്തും ഏതൊരു കോളജിനും സ്വയംഭരണ പദവിക്ക് അപേക്ഷ അഫിലിയേറ്റ് ചെയ്തിരിക്കുന്ന സര്വകലാശാലക്ക് സമര്പ്പിക്കാം. അപേക്ഷ കിട്ടി ഏഴു ദിവസത്തിനകം സിന്ഡിക്കേറ്റ് വിദഗ്ധ സമിതിയെ ഏല്പിക്കണം. വൈസ് ചാന്സലര്ക്ക് സമിതി റിപ്പോര്ട്ട് നല്കണം. വി.സി യു.ജി.സിക്ക് അപേക്ഷ കൈമാറണം. അപേക്ഷ നിരസിക്കാനാണ് വൈസ് ചാന്സലര് തീരുമാനിക്കുന്നതെങ്കില് അത് യു.ജി.സിയെയും സര്ക്കാറിനെയും ബന്ധപ്പെട്ട കോളജിനെയും അറിയിക്കണം. നിരസിക്കപ്പെട്ട അപേക്ഷ ഒരു വര്ഷം കഴിഞ്ഞ് വീണ്ടും സമര്പ്പിക്കാന് കോളജിന് അവകാശമുണ്ടാകും.
സ്വയംഭരണ പദവി അപേക്ഷകള് പരിശോധിക്കാനും പുതിയ പ്രോഗ്രാമുകള് തുടങ്ങാനും നിലവിലെ പ്രോഗ്രാമുകളുടെ കരിക്കുലം മാറ്റാനും പ്രോ-വൈസ് ചാന്സലര് അധ്യക്ഷനായ വിദഗ്ധ സമിതി രൂപവത്കരിക്കണം. സമിതി സമയബന്ധിതമായി അപേക്ഷ പരിശോധിച്ച് ശിപാര്ശ നല്കണം. ഗേവണിങ് ബോഡിയില് സര്ക്കാറിെന്റയും ഉന്നത വിദ്യാഭ്യാസ കൗണ്സിലിെന്റയും സര്വകലാശാലയുടെയും പ്രതിനിധികളും കോളജ് യൂനിയന് ചെയര്മാനുമുണ്ടാകും. കോളജിെന്റ ബോര്ഡ് ഒാഫ് സ്റ്റഡീസില് സിന്ഡിക്കേറ്റ് നാമനിര്ദേശം ചെയ്യുന്ന പ്രതിനിധിയും സ്വയംഭരണ കോളജ് നിശ്ചയിക്കുന്ന അക്കാദമിക വിദഗ്ധരുമുണ്ടാകും. തയാറാക്കുന്ന സിലബസും കരിക്കുലവും സര്വകലാശാലയുടെ സമാന കോഴ്സുകള്ക്ക് നിശ്ചയിച്ച അക്കാദമിക തത്ത്വങ്ങള് പാലിക്കണം. വിദ്യാര്ഥി പരാതി പരിഹാര സമിതിയില് കോളജ് പ്രിന്സിപ്പലും കോളജ് യൂനിയന് ചെയര്മാനും പി.ടി.എയിലെ ഒരാംഗവുമുണ്ടാകണം. പരാതി ലഭിച്ചാല് 14 ദിവസത്തിനകം പരിഹരിക്കണം. സമിതി തീരുമാനത്തിനെതിെര വിദ്യാര്ഥിക്ക് വൈസ് ചാന്സലര്ക്ക് അപ്പീല് നല്കാം. അതില് 60 ദിവസത്തിനകം വി.സി തീരുമാനമെടുക്കണം.