ബിഹാറില്‍ ഭരണം നിലനിര്‍ത്തി എന്‍ഡിഎ സഖ്യം
പാറ്റ്ന: ബിഹാര്‍ നിയമസഭ തെരഞ്ഞെടുപ്പിന്റെ വോട്ടെണ്ണല്‍ പൂര്‍ത്തിയായി. കേവല ഭൂരിപക്ഷത്തിനാവശ്യമായ 122 സീറ്റുകള്‍ മറികടന്ന് എന്‍ഡിഎ സഖ്യം അധികാരം നിലനിര്‍ത്തി. ആകെയുള്ള 243 സീറ്റുകളില്‍ 125 എണ്ണം നേടിയാണ് എന്‍ഡിഎ വിജയം നേടിയത്.
ബുധനാഴ്ച പുലര്‍ച്ചെയാണ് തെരഞ്ഞെടുപ്പ് കമ്മീഷനെ ഉദ്ധരിച്ച്‌ വിവിധ വാര്‍ത്താ ഏജന്‍സികള്‍ ഇക്കാര്യം റിപ്പോര്‍ട്ട് ചെയ്തത്. എക്‌സിറ്റ് പോള്‍ പ്രവചനങ്ങളെ അപ്രസക്തമാക്കിയാണ് എന്‍ഡിഎ വിജയം സ്വന്തമാക്കിയത്.
ബിജെപി- 74, ജെഡിയു- 43, വിഐപി- 4, എച്ച്‌എഎം- 4 എന്നിങ്ങനെയാണ് എന്‍ഡിഎയുടെ സീറ്റ് നില. വിശാല സഖ്യത്തിന് 110 സീറ്റുകളിലാണ് വിജയം നേടാനായത്. ആര്‍ജെഡി- 75, കോണ്‍ഗ്രസ്- 19, ഇടത്- 16 എന്നിങ്ങനെയാണ് സീറ്റ് നില.
അസദുദീന്‍ ഒവൈസിയുടെ എഐഎംഐഎം അഞ്ചു സീറ്റുകളിലും ബിഎസ്പി, ചിരാഗ് പസ്വാന്‍റെ എല്‍ജെപി എന്നീ പാര്‍ട്ടികള്‍ ഓരോ സീറ്റിലും വിജയിച്ചു.
Related News
രാജ്യത്തെ പ്രധാന നഗരങ്ങളില് വെങ്കിടേശ്വര സ്വാമി ക്ഷേത്രം നിര്മ്മിക്കാനൊരുങ്ങി തിരുമല തിരുപ്പതി ദേവസ്ഥാനം
നെതര്ലന്ഡ്സിനെ ഏഴ് വിക്കറ്റുകള്ക്ക് തകര്ത്ത് അഫ്ഗാൻ
വേടന്റെ പോസ്റ്റ് ലൈക്ക് ചെയ്തതില് ക്ഷമാപണവുമായി പാര്വതി തിരുവോത്ത്
വെളിപ്പെടുത്തലിനു ശേഷം ബിജെപി ഭീഷണിപ്പെടുത്തുന്നുവെന്ന് കെ സുന്ദര