കള്ളപ്പണം വെളുപ്പിക്കൽ : എം ശിവശങ്കര് അറസ്റ്റില്
കൊച്ചി: തിരുവനന്തപുരം വിമാനത്താവളം വഴിയുള്ള സ്വര്ണക്കടത്ത് കേസുമായി ബന്ധപ്പെട്ടു മുഖ്യമന്ത്രിയുടെ മുന് പ്രിന്സിപ്പല് സെക്രട്ടറി എം. ശിവശങ്കര് അറസ്റ്റില്. കള്ളപ്പണം വെളിപ്പിക്കല് കേസില് എന്ഫോഴ്സ്മെന്റ് ഡയറക്ടറേറ്റ് (ഇഡി) ആണ് ശിവശങ്കറെ അറസ്റ്റ് ചെയ്തത്.
രാവിലെ തിരുവനന്തപുരത്തെ ആശുപത്രിയില്നിന്ന് കസ്റ്റഡിയിലെടുത്ത ശിവശങ്കറെ കൊച്ചിയിലെത്തിച്ച് ചോദ്യം ചെയ്തതിനു ശേഷമായിരുന്നു അറസ്റ്റ്. ആറ് മണിക്കൂറോളം ഇന്ന് ശിവശങ്കറെ ഇഡി ചോദ്യം ചെയ്തു. രാത്രി വൈകി അറസ്റ്റ് രേഖപ്പെടുത്തുകയും ചെയ്തു. വ്യാഴാഴ്ച ശിവശങ്കറെ കോടതിയില് ഹാജരാക്കി കസ്റ്റഡിയില് ആവശ്യപ്പെടും.