ന്യൂനമര്ദ്ദം 'ഉംപുണ്' ചുഴലിക്കാറ്റായി മാറി ; സംസ്ഥാനത്ത് ശക്തമായ മഴക്ക് സാധ്യത
ബംഗാള് ഉള്ക്കടലില് രൂപം കൊണ്ട അതിതീവ്ര ന്യൂനമര്ദ്ദം ചുഴലിക്കാറ്റായി മാറി. ഉംപുണ് എന്നാണ് ചുഴലിക്കാറ്റിന്റെ പേര്. 48 മണിക്കൂറിനുള്ളില് ഈ ചുഴലിക്കാറ്റ് അതിതീവ്ര ചുഴലിക്കാറ്റായി മാറുമെന്നാണ് കാലാവസ്ഥീ നിരീക്ഷണ വകുപ്പ് പറയുന്നത്. അതിതീവ്ര ചുഴലിക്കാറ്റായി മാറിയാല് ഇതിന്റെ വേഗത 200 കിലോമീറ്ററായിരിക്കും.
ചൊവ്വാഴ്ച രാത്രിയോടെ ഇത് ഇന്ത്യന് തീരത്തെത്തും. ഒഡീഷക്കും പശ്ചിമബംഗാളിനും ഇടയില് തീരം തൊടുമെന്നാണ് കരുതുന്നത്. ചുഴലിക്കാറ്റിന്റെ പശ്ചാത്തലത്തില് ആന്ധ്ര പ്രദേശ്, ഒഡിഷ, പശ്ചിമ ബംഗാള് സംസ്ഥാനങ്ങളില് അതീവ ജാഗ്രത നിര്ദ്ദേശം പുറപ്പെടുവിച്ചിട്ടുണ്ട്.
കേരളത്തിലും കനത്ത മഴക്ക് സാധ്യതയുണ്ട്. നിലവില് ചെന്നൈ തീരത്തിന് 700 കിലോമീറ്റര് അകലെയാണ് ചുഴലിക്കാറ്റിന്റെ സഞ്ചാരപഥം. സംസ്ഥാനത്ത് ചിലയിടങ്ങളില് ശക്തമായ മഴക്ക് സാധ്യതയുണ്ട്.