മരട്: എല്ലാവര്‍ക്കും 25 ലക്ഷം നല്‍കണം -സുപ്രീംകോടതി

Ajith.A

25 October 2019 01:06 PM

ന്യൂഡല്‍ഹി: മരടിലെ അനധികൃത ഫ്ലാറ്റ് നിര്‍മ്മാണ കേസില്‍ നിര്‍ണ്ണായക വിധി പറഞ്ഞു സുപ്രീം കോടതി.ഉടമസ്ഥരായ എല്ലാവര്‍ക്കും 25 ലക്ഷം രൂപ വീതം നഷ്ടപരിഹാരം നല്‍കണമെന്നാണ് സുപ്രീംകോടതി ഉത്തരവിട്ടിരിക്കുന്നത്. രേഖകളില്‍ കുറഞ്ഞ നിരക്കുള്ള ഫ്ലാറ്റ് ഉടമകള്‍ക്കും 25 ലക്ഷം വീതം നല്‍കണമെന്ന് സുപ്രീംകോടതി ഉത്തരവിട്ടു.

ഇതിനായി 20 കോടി രൂപ കെട്ടിവെക്കണമെന്ന് കോടതി ഫ്ലാറ്റ് നിര്‍മ്മാതാക്കളോട് നിര്‍ദേശിച്ചിട്ടുണ്ട്. ഇതിനായി ബാങ്ക് അക്കൗണ്ട് മരവിപ്പിക്കല്‍ തത്ക്കാലം ഒഴിവാക്കുമെന്നും കോടതി അറിയിച്ചു. നഷ്ടപരിഹാരം ആവശ്യപ്പെട്ട് ഫ്ലാറ്റ് ഉടമകല്‍ നല്‍കിയ ഹര്‍ജിയിലാണ് കോടതിയുടെ ഉത്തരവ്. അതേസമയം, മരട് ഫ്ലാറ്റ് ഉടമകളുടെ നിലപാടില്‍ ജസ്റ്റിസ് അരുണ്‍ മിശ്ര ക്ഷുഭിതനായി.

ഉടമകള്‍ നേരിട്ട് ഹാജരായതില്‍ അതൃപ്തി അറിയിച്ച ജഡ്ജി പെരുമാറേണ്ടത് ഇങ്ങനെയല്ലെന്നും സ്വയം വാദിക്കാന്‍ ശ്രമിച്ച ഉടമകളോട് പറഞ്ഞു. ഉത്തരവില്‍ നിന്നും പിന്നോട്ട് പോകില്ല. ബഹളം വയ്ക്കുകയോ സമയം പാഴാക്കുകയോ അരുതെന്നും അദ്ദേഹം വ്യക്തമാക്കി.