ബംഗാള്‍ ഉള്‍ക്കടലില്‍ ന്യൂനമര്‍ദ്ദം ; സംസ്ഥാനത്ത് മണ്‍സൂണ്‍ വീണ്ടും സജീവമാകുന്നു
കൊച്ചി :സംസ്ഥാനത്ത് മണ്‍സൂണ്‍ വീണ്ടും സജീവമാകുന്നതായി റിപ്പോര്‍ട്ട്. ഇതിന്റെ സൂചനയായി ബംഗാള്‍ ഉള്‍ക്കടലില്‍ ശ്രീലങ്കയ്ക്കു തെക്കായി ന്യൂനമര്‍ദ്ദം രൂപംകൊണ്ടുതുടങ്ങിയെന്നാണ് കാലാവസ്ഥാ വകുപ്പ് നല്‍കുന്ന മുന്നറിയിപ്പ്. അടുത്തമാസം നാലിന് ന്യൂനമര്‍ദ്ദം പൂര്‍ണതോതിലേക്ക് എത്തുമെന്നാണു കാലാവസ്ഥാ ഗവേഷകരുടെ നിഗമനം.
ന്യൂനമര്‍ദ്ദം ശക്തമാവുകയും അതിനൊപ്പം കാറ്റിന്റെ ദിശ അനുകൂലമാകുകയും ചെയ്താല്‍ അറബിക്കടലില്‍ കേരള തീരത്തോടു ചേര്‍ന്ന് കാറ്റിനും മഴയ്ക്കും സാധ്യത കൂടുതലാണ്. ഓഗസ്റ്റ് രണ്ടാംവാരത്തില്‍ കേരളത്തിലുണ്ടായ അതിശക്തമായ മഴ വീണ്ടും ആവര്‍ത്തിക്കാനുള്ള സാധ്യത കാലാവസ്ഥാ വകുപ്പ് തള്ളിക്കളയുന്നില്ല. ശ്രീലങ്കയ്ക്ക് തെക്ക് ഇന്ത്യന്‍ മഹാസമുദ്രത്തില്‍ സാധാരണ കണ്ടുവരുന്ന മാഡെന്‍ ജൂലിയന്‍ ഓസിലേഷന്‍ എന്ന പ്രതിഭാസമാണ് ന്യൂനമര്‍ദത്തിനു കാരണമാകുന്നതെന്ന് ഗവേഷകര്‍ ചൂണ്ടിക്കാട്ടുന്നു. സമുദ്രത്തില്‍ കിഴക്കുനിന്നു പടിഞ്ഞാറേക്കു വീശുന്ന ആഗോള മഴപ്പാത്തിയെയാണ് എം.ജെ.ഒ. എന്ന് ശാസ്ത്രജ്ഞര്‍ വിശേഷിപ്പിക്കുന്നത്. എം.ജെ.ഒയുടെ ഫലമായി അതിശക്തമായ മഴയാണ് സാധാരണ ഉണ്ടാകാറുള്ളത്.
കാറ്റിന്റെ ദിശ മാറിയാല്‍ ന്യൂനമര്‍ദത്തിന്റെയും ദിശയില്‍ മാറ്റമുണ്ടാകാമെന്നും ഗവേഷകര്‍ വിലയിരുത്തുന്നു. ബംഗാള്‍ ഉള്‍ക്കടലിലേക്ക്ന്യൂനമര്‍ദ്ദംകടന്നുപോകാനുമുള്ള വിദൂരസാധ്യതയുമുണ്ട്. അങ്ങനെ സംഭവിച്ചാല്‍ കേരളത്തില്‍ കനത്ത മഴയുടെ ഭീഷണിയൊഴിയും. അതേസമയം സെപ്റ്റംബര്‍ രണ്ടാംവാരം സംസ്ഥാനത്ത് മികച്ച മഴ പ്രതീക്ഷിക്കാമെന്നാണു കാലാവസ്ഥാ വിഭാഗം ചൂണ്ടിക്കാട്ടുന്നു.
Related News
‘യുക്രെയ്നിൽ പാരച്യൂട്ടിൽ പറന്നിറങ്ങുന്ന റഷ്യൻ സൈന്യം’ എന്ന തരത്തില് പ്രചരിപ്പിക്കുന്നത് പഴയ വീഡിയോ
ഇടുക്കി ഡാമിൽ ജലനിരപ്പ് ഉയരുന്നു. ഇന്ന് മാത്രം ഒഴുകിയെത്തിയത് 3 അടിയോളം ജലം
സംസ്ഥാനത്ത് കനത്ത മഴ തുടരും
അടുത്ത മൂന്ന് മണിക്കൂര് ശക്തമായ കാറ്റും മഴയും; 11 ജില്ലകളില് യെല്ലോ അലര്ട്ട്