ലോക്ക്ഡൗണ്; അതിര്ത്തികടക്കാന് വാളയാറില് തിരക്ക്
പാലക്കാട്: ശനിയാഴ്ച മുതല് സമ്പൂർണ അടച്ചിടല് ആരംഭിക്കാനിരിക്കേ വാളയാര് അതിര്ത്തിയില് വന് തിരക്ക്. കേരളത്തില്നിന്ന് തമിഴ്നാട്ടിലേക്കും അവിടെനിന്നുള്ളവര് ഇങ്ങോട്ടും കടക്കാന് ഒട്ടേറെപ്പേരാണ് എത്തുന്നത്.
അതിര്ത്തിയില് പരിശോധന ശക്തമാക്കിയിട്ടുണ്ട്. കോവിഡ് ജാഗ്രതാ പോര്ട്ടലില് രജിസ്റ്റര് ചെയ്തവരെ മാത്രം കടത്തിവിടാനാണ് തീരുമാനം. രജിസ്റ്റര് ചെയ്യാതെ എത്തുന്നവരെ തത്സമയം രജിസ്റ്റര് ചെയ്താണ് കടത്തിവിടുന്നത്. നാളെ മുതല് ഇത്തരത്തില് അതിര്ത്തി കടക്കാന് സൗകര്യമുണ്ടാവില്ല. പരിശോധന കൂടുതല് കര്ശനമാക്കാനാണ് അധികൃതരുടെ തീരുമാനം.