തമിഴ്‌നാട്ടില്‍ വന്‍ കള്ളപ്പണവേട്ട; പിടികൂടിയത് 3.21 കോടി
ചെന്നൈ: തമിഴ്‌നാട്ടില്‍ കള്ളപ്പണ വേട്ട തുടരുന്നു. ഇന്നലെ മാത്രം 3.21 കോടി രൂപ പിടികൂടി. തെരഞ്ഞെടുപ്പുമായി ബന്ധപ്പെട്ട് അനധികൃതമായി വാഹനത്തില്‍ കൊണ്ടുപോവുകയായിരുന്ന പണം ഇലക്ഷന്‍ കമ്മീഷന്റെ സ്‌ക്വാഡാണ് പിടിച്ചെടുത്തത്. ശ്രീവില്ലിപുത്തൂര്‍ നിയമസഭാ മണ്ഡലത്തിലാണ് വന്‍ കള്ളപ്പണം പിടികൂടിയത്. ഇതിനിടെ ബാങ്കുകളിലെ അനധികൃത അക്കൗണ്ടുകളുപ യോഗിച്ചും വന്‍പണമിടപാട് നടക്കുന്നതായാണ് റിപ്പോര്‍ട്ട്.
തമിഴ്‌നാട്ടിലെ പല പ്രദേശങ്ങളില്‍ സ്ഥാനാര്‍ത്ഥികളും പാര്‍ട്ടികളും അവര്‍ക്ക് സ്വാധീനമുള്ള മേഖലകളില്‍ പണം ഒഴുക്കുന്നുവെന്ന നിരവധി വാര്‍ത്തകളാണ് ഒരു മാസമായി പുറത്തുവരുന്നത്. ജനങ്ങളെ വരിവരിയായി നിര്‍ത്തി പണം താലത്തിലിട്ട് കൊടുത്തത് ഏറെ വിവാദമായിരുന്നു. മറ്റൊരിടത്ത് ഒരു എം.എല്‍.എ നേരിട്ട് വീടുകളിലെത്തി രണ്ടായിരം രൂപവീതം നല്‍കിയതും വിവാദമായി. ഇത്തരം സംഭവങ്ങളുടെ മൊബൈല്‍ വീഡിയോകള്‍ പ്രചരിപ്പിച്ചതും ഇതേ പാര്‍ട്ടി അണികളായിരുന്നു.
വരും ദിവസങ്ങളിലും ശക്തമായ റെയ്ഡ് തുടരുമെന്നാണ് സംസ്ഥാന തെരഞ്ഞെടുപ്പ് കമ്മീഷന്‍ പറയുന്നത്. ഇതിനിടെ നേരിട്ട് നോട്ടുകെട്ടുകള്‍ കൊണ്ടുപോകുന്നത് മാത്രമാണ് പിടിക്കുന്നത്. ബാങ്ക് മാനേജര്‍മാരുടെ ഒത്താശയോടെ നിരവധി പേര്‍ വന്‍ തോതില്‍ പണമിടപാട് ഈ സമയത്ത് നടത്തുന്നതും കണ്ടെത്തണമെന്നാണ് വിദഗ്ധര്‍ ചൂണ്ടിക്കാട്ടുന്നത്. അക്കൗണ്ടില്ലാത്തവരുടെ പണമാണ് മറ്റ് പലരുടേയും അക്കൗണ്ട് നമ്ബര്‍ ഉപയോഗിച്ച്‌ കൈമാറ്റം ചെയ്യുന്നതെന്നും റിപ്പോര്‍ട്ടുണ്ട്.
Related News
സ്ത്രീകളെ ക്ഷേത്രങ്ങളില് പൂജാരിമാരായി നിയമിക്കുമെന്ന് തമിഴ്നാട് സര്‍ക്കാര്‍
ഓണം വാരാഘോഷം:സമാപന സമ്മേളനത്തിൽ നടന്മാരായ ഷെയിൻ നിഗം,നീരജ് മാധവ്,ആന്റണി വർഗീസ് എന്നിവർ വിശിഷ്ടാതിഥികൾ
തമിഴ്‌നാട്ടില്‍ രണ്ടാഴ്ചത്തേക്ക് സമ്പൂർണ ലോക്ഡൗണ്
തമിഴ്‌നാട്ടില്‍ വീണ്ടും ഓക്സിജന് കിട്ടാതെ നാല് മരണം