തമിഴ്​നാട്ടില്‍ രണ്ടാഴ്​ചത്തേക്ക്​ സമ്പൂർണ ലോക്​ഡൗണ്‍

Ajith.A

08 May 2021 10:45 AM

ന്യൂഡല്‍ഹി: തമിഴ്​നാട്ടില്‍ രണ്ടാഴചത്തേക്ക്​ സമ്പൂർണ ലോക്​ഡൗണ്‍ പ്രഖ്യാപിച്ച്‌​ മുഖ്യമന്ത്രി എം.കെ സ്​റ്റാലിന്‍ ഉത്തരവിറക്കി. കോവിഡ്​ രോഗികളുടെ എണ്ണം ക്രമാതീതമായി വര്‍ധിക്കുന്ന സാഹചര്യത്തിലാണ്​ നടപടി. മെയ്​ 10 മുതല്‍ മെയ്​ 24 വരെയായിരിക്കും ലോക്​ഡൗണ്‍. തിങ്കളാഴ്​ച പുലര്‍ച്ചെ നാല്​ മണിക്ക്​ തുടങ്ങുന്ന ലോക്​ഡൗണ്‍ മെയ്​ 24ന്​ നാല്​ മണി വരെ നീളും.

ഒഴിവാക്കാനാകാത്ത സാഹചര്യത്തിലാണ്​ ലോക്​ഡൗണ്‍ പ്രഖ്യാപിക്കുന്നതെന്ന്​ സ്​റ്റാലിന്‍ അറിയിച്ചു. വിവിധ ജില്ലാ കലക്​ടര്‍മാര്‍ നല്‍കിയ റിപ്പോർട്ടിന്റെയും മെഡിക്കല്‍ രംഗത്തെ വിദഗ്​ധരുടേയും അഭിപ്രായം പരിഗണിച്ചാണ്​ ലോക്​ഡൗണ്‍ തീരുമാനമെന്നും അദ്ദേഹം വ്യക്​തമാക്കി.
തമിഴ്​നാട്ടില്‍ വെള്ളിയാഴ്​ച 26,465 പേര്‍ക്കാണ്​ കോവിഡ്​​ സ്ഥിരീകരിച്ചത്​. 197 പേര്‍ രോഗം ബാധിച്ച്‌​ മരിക്കുകയും ചെയ്​തു. കഴിഞ്ഞ ഒരാഴ്​ചയായി രോഗികളുടെ എണ്ണം കുറയാതിരുന്നതോടെയാണ്​ ലോക്​ഡൗണിലേക്ക്​ തമിഴ്​നാടും നീങ്ങിയത്​.