കരിപ്പൂര് വിമാനപകടം; പരിക്കേറ്റ 85 യാത്രക്കാരെ ഡിസ്ചാര്ജ് ചെയ്തു
മലപ്പുറം : കരിപ്പൂര് വിമാനാപകടത്തില് പരിക്കേറ്റ 85 യാത്രക്കാരെ മലപ്പുറം കോഴിക്കോട് ജില്ലകളിലെ വിവിധ ആശുപത്രികളില് നിന്നായി ഇതുവരെ ഡിസ്ചാര്ജ് ചെയ്തതായി എയര് ഇന്ത്യ എക്സ്പ്രസ്സ് അറിയിച്ചു.പരിക്കേറ്റവര് പൂര്ണ്ണമായും സുഖം പ്രാപിച്ചശേഷമാണ് ആശുപത്രികളില് നിന്ന് ഡിസ്ചാര്ജ് ആയതെന്ന് എയര് ഇന്ത്യ എക്സ്പ്രസ്സ് വ്യക്തമാക്കി.
ഓഗസ്റ്റ് ഏഴിനാണ് നാടിനെ നടുക്കിയ വിമാന അപകടം ഉണ്ടായത്. അപകടത്തില് രണ്ടു പൈലറ്റ് മാരുള്പ്പെടെ 18 പേരാണ് മരിച്ചത്. എയര് ഇന്ത്യ എക്സ്പ്രസ് (IX 1344) വിമാനം ലാന്ഡിങ്ങിനിടെ റണ്വേയില് നിന്നും തെന്നിമാറിയായിരുന്നു അപകടമുണ്ടായത് .