എവറസ്റ്റിന്റെ ഉയരം കൂടുമോ ? കുറയുമോ ?

News Desk

14 October 2019 12:17 PM

കാഠ്മണ്ഡു: ലോകത്തിലെ ഏറ്റവും വലിയ കൊടുമുടിയായ എവറസ്റ്റിന്റെ ഉയരം വീണ്ടും അളക്കാന്‍ തീരുമാനം. ചൈന, നേപ്പാള്‍ എന്നീ രാജ്യങ്ങള്‍ ചേര്‍ന്ന് സംയുക്തമായാണ് തീരുമാനമെടുത്തത്. നേപ്പാളില്‍ സന്ദര്‍ശനത്തിനെത്തിയ ചൈനീസ് പ്രസിഡന്റ് ഷീ ജിന്‍ പിങുമായുള്ള കൂടിക്കാഴചയിലായിരുന്നു തീരുമാനം.

കൊടുമുടിയുടെ ഉയരം അളക്കണമെന്ന ആവശ്യം നേരത്തെ തന്നെ നേപ്പാള്‍ ഉന്നയിച്ചിരുന്നു. എവറസ്റ്റ് നേപ്പാളില്‍ സാഗര്‍മാതയെന്നും ചൈനയില്‍ ഷുമുലന്‍ഗമ എന്ന പേരിലുമാണ് അറിയപ്പെടുന്നത്. ഇരു രാജ്യങ്ങളും വിവിധ വിഷയങ്ങളില്‍ സഹകരണം വര്‍ദ്ധിപ്പിക്കാനും ഉഭയകക്ഷി ബന്ധം നിലനിര്‍ത്താനും കൂടിക്കാഴ്ചയില്‍ തീരുമാനമായി. സാഗര്‍മാതയുടെ ഉയരം അളക്കുന്നതിനോടൊപ്പം സംയുക്തമായി എവറസ്റ്റില്‍ ഗവേഷണം നടത്താനും ധാരണയായിട്ടുണ്ട്.