നേപ്പാള് വഴി വിദേശ യാത്രക്ക് വിലക്ക്; പ്രവാസികള് കുടുങ്ങി
ദുബൈ: നേപ്പാള് വഴി മറ്റ് രാജ്യങ്ങളിലേക്കുള്ള വിമാന യാത്രക്ക് ബുധനാഴ്ച അര്ധരാത്രി മുതല് വിലക്ക്. നേപ്പാള് ആഭ്യന്തര മന്ത്രാലയത്തിന് കീഴിലുള്ള എമിഗ്രേഷന് വിഭാഗമാണ് ഇത് സംബന്ധിച്ച സര്ക്കുലര് പുറത്തിറക്കിയത്. ഇതോടെ സൗദി യാത്രക്കായി നേപ്പാളില് എത്തിയ ആയിരക്കണക്കിന് പ്രവാസികള് കുടുങ്ങി. നിലവില് നേപ്പാളിലുള്ളവരെ സൗദിയില് എത്തിക്കുന്ന കാര്യം അധികൃതരുമായി ചര്ച്ച ചെയ്യുന്നുണ്ടെന്ന് നേപ്പാളിലെ ഇന്ത്യന് എംബസി അറിയിച്ചു. കോവിഡ് വ്യാപനം രൂക്ഷമായ സാഹചര്യത്തിലാണ് നടപടി. അതേസമയം, നേപ്പാളിലേക്ക് വരുന്നതിനും തിരികെ സ്വന്തം രാജ്യത്തേക്ക് പോകുന്നതിനും വിലക്കില്ല.
ഇന്ത്യയില് നിന്ന് സൗദിയിലേക്ക് നേരിട്ട് യാത്രാവിലക്കുള്ളതിനാല് പ്രവാസികള് നേപ്പാള്, ബഹ്റൈന്, മാലിദ്വീപ് വഴികളാണ് തെരഞ്ഞെടുത്തിരുന്നത്. മാലി വിലക്കേര്പെടുത്തുകയും ബഹ്റൈന് നിയന്ത്രണങ്ങള് കടുപ്പിക്കുകയും ചെയ്തതോടെ ഭൂരിപക്ഷം യാത്രക്കാരും നേപ്പാളാണ് തെരഞ്ഞെടുത്തത്. വിസയും എന്.ഒ.സിയും ആവശ്യമില്ല എന്നതും നേപ്പാള് യാത്രികരുടെ എണ്ണം കൂടാന് കാരണമായി. പതിനായിരത്തോളം സൗദി യാത്രികര് നേപ്പാളിലുണ്ടെന്നാണ് കണക്ക്. 14 ദിവസത്തെ ക്വാറന്റീന് ശേഷം ബുധനാഴ്ച രാത്രി 12 മണിക്ക് മുന്പ് യാത്രചെയ്യാന് കഴിയാത്തവര് നേപ്പാളില് കുടുങ്ങുന്ന അവസ്ഥയാണ് നിലവില്. നേപ്പാള് അധികൃതരുമായി നടത്തുന്ന ചര്ച്ച വിജയിച്ചില്ലെങ്കില് ഇവര് നാട്ടിലേക്ക് മടങ്ങേണ്ടി വരും. 70,000 മുതല് ലക്ഷം രൂപ വരെ നല്കി എത്തിയവരാണ് കൂടുതലും. നേപ്പാള് വഴി മറ്റ് രാജ്യങ്ങളിലേക്കുള്ള യാത്ര ഒഴിവാക്കണമെന്ന് നേപ്പാളിലെ ഇന്ത്യന് എംബസി അറിയിച്ചു.
നേപ്പാളില് തങ്ങുന്ന ഇന്ത്യക്കാര്ക്ക് കോവിഡ് ടെസ്റ്റ് നടത്തില്ല എന്ന് കഴിഞ്ഞ ദിവസം നേപ്പാള് ആരോഗ്യ മന്ത്രാലയം അറിയിച്ചിരുന്നു. എന്നാല്, കേന്ദ്രസര്ക്കാരിെന്റ ഇടപെടലിനെ തുടര്ന്ന് കോവിഡ് ടെസ്റ്റ് നടത്താന് അനുമതി നല്കുകയായിരുന്നു. ഇത് പ്രവാസികള്ക്ക് ആശ്വാസമേകിയതിന് പിന്നാലെയാണ് യാത്രാവിലക്ക്. യു.എ.ഇ, ഒമാന് രാജ്യങ്ങളും ഇന്ത്യന് വിമാനങ്ങള്ക്ക് വിലക്കേര്പെടുത്തിയതോടെ ഈ രാജ്യങ്ങളിലെ പ്രവാസികളും ലക്ഷ്യമിട്ടിരുന്നത് നേപ്പാള് ആയിരുന്നു.