ഐപിഎൽ;മുംബൈക്ക് വീണ്ടും ജയം; ഇഷാന്‍ കിഷന് അര്‍ധ സെഞ്ചുറി; ഡല്‍ഹിക്ക് തുടര്‍ച്ചയായ നാലാം തോല്‍വി
ദുബായ്: ഐപിഎല്‍ 13ാം സീസണിലെ പ്ലേ ഓഫിലെത്താനുള്ള ഡൽഹിയുടെ മോഹങ്ങള്‍ക്ക് തിരിച്ചടി. ഇന്നു നടന്ന മത്സരത്തില്‍ മുംബൈ ഡല്‍ഹിയെ അനായാസം പരാജയപ്പെടുത്തി. ഡല്‍ഹി മുന്നോട്ടുവെച്ച 111 റണ്‍സ് വിജയ ലക്ഷ്യം 14.2 ഓവറില്‍ ഒരു വിക്കറ്റ് നഷ്ടത്തില്‍ മുംബൈ മറികടക്കുകയായിരുന്നു. ഇഷാൻ കിഷന്റെ അര്‍ധ സെഞ്ചുറി മികവിലാണ് മുംബൈയുടെ വിജയം.
47 പന്തുകളില്‍ കിഷന് മൂന്നു സിക്‌സും എട്ട് ഫോറുമടക്കം 72 റണ്‍സെടുത്ത് പുറത്താകാതെ നിന്നു. ഓപ്പണര്‍മാരായ ക്വിന്റണ്‍ ഡി കോക്കും ഇഷാന്‍ കിഷനും ചേര്‍ന്ന് മികച്ച തുടക്കം തന്നെയാണ് മുംബൈക്ക് നല്‍കിയത്. 28 പന്തില്‍ നിന്ന് 26 റണ്‍സെടുത്ത ഡിക്കോക്ക്, ആന്റിച്ച്‌ നോര്‍ക്യയുടെ പന്തില്‍ പുറത്താകുകയായിരുന്നു. സൂര്യകുമാര്‍ യാദവ് 12 റണ്‍സുമായി പുറത്താകാതെ നിന്നു. ട്രെന്റ് ബോള്‍ട്ടും ജസ്പ്രീത് ബുംറയും ചേര്‍ന്ന് ഡല്‍ഹിയെ എറിഞ്ഞ് തകര്‍ക്കുകയായിരുന്നു. ഇരുവരും മൂന്ന് വിക്കറ്റ് വീതം വീഴ്ത്തി. നാല് ഓവറില്‍ വെറും 17 റണ്‍സ് വഴങ്ങിയാണ് ബുംറ മൂന്നു വിക്കറ്റ് വീഴ്ത്തിയത്. ബോള്‍ട്ട് നാല് ഓവറില്‍ 21 റണ്‍സ് വഴങ്ങി മൂന്ന് വിക്കറ്റെടുത്തു.
ടോസ് നഷ്ടപ്പെട്ട് ആദ്യം ബാറ്റ് ചെയ്ത ഡല്‍ഹിക്ക് 9 വിക്കറ്റ് നഷ്ടത്തില്‍ 110 റണ്‍സെടുക്കാനെ കഴിഞ്ഞുള്ളൂ. 18 പന്തിനുള്ളില്‍ ഓപ്പണര്‍മാരായ ശിഖര്‍ ധവാന്‍(0), പൃഥ്വി ഷാ(10) എന്നിവരെ ഡല്‍ഹിക്ക് നഷ്ടമായി. ഒരു ഘട്ടത്തില്‍പ്പോലും മികച്ച പ്രകടനം പുറത്തെടുക്കാന്‍ ഡല്‍ഹി താരങ്ങള്‍ക്ക് കഴിഞ്ഞില്ല. 29 പന്തില്‍ നിന്ന് 25 റണ്‍സെടുത്ത ക്യാപ്റ്റന്‍ ശ്രേയസ് അയ്യരാണ് ഡല്‍ഹിയുടെ ടോപ് സ്‌കോറര്‍. ഋഷഭ് പന്ത് 24 പന്തില്‍ നിന്ന് 21 റണ്‍സെടുത്ത് പുറത്തായി. മാര്‍ക്കസ് സ്റ്റോയ്‌നിസ് (2), ഷിംറോണ്‍ ഹെറ്റ്മയര്‍ (11), ഹര്‍ഷല്‍ പട്ടേല്‍ (5) എന്നിവരെല്ലാം പരാജയമായി. 19 ഓവറുകള്‍ പിന്നിട്ടപ്പോഴാണ് ഡല്‍ഹി സ്കോര്‍ 100 കടന്നത്.
Related News
പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ചാല് വധശിക്ഷ; ഐപിസി, സിആര്പിസി ഭേദഗതി ബില് അമിത് ഷാ ലോക്സഭയില് അവതരിപ്പിച്ചു
മുംബൈക്കെതിരേ അഞ്ച് വിക്കറ്റ് ; താരമായി ഹര്‍ഷല്‍ പട്ടേല്‍
പുതിയ ജേഴ്സി പുറത്തിറക്കി മുംബൈ ഇന്ത്യന്സ്
സച്ചിന് ബേബിയും മുഹമ്മദ് അസറുദ്ദീനും ബെംഗളൂരുവില്; വിഷ്ണു ദല്ഹിയിലും