പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ചാല്‍ വധശിക്ഷ; ഐപിസി, സിആര്‍പിസി ഭേദഗതി ബില്‍ അമിത് ഷാ ലോക്സഭയില്‍ അവതരിപ്പിച്ചു
മുംബൈ ഇന്ത്യന്‍സിന് രണ്ടാം ജയം. 151 റണ്‍സ് വിജയലക്ഷ്യം തേടി ബാറ്റു ചെയ്ത ഹൈദരാബാദ് ഇന്നിംഗ്സ് 19.4 ഓവറില്‍ 137 റണ്‍സിന് അവസാനിച്ചു. 13 റണ്‍സിനായിരുന്നു മുംബൈയുടെ വിജയം ഡേവിഡ് വാര്‍ണറും(36) ജോണി ബെയര്‍സ്റ്റോയും(43) ചേര്‍ന്ന് മികച്ച തുടക്കം സമ്മാനിച്ചെങ്കിലും മുംബൈ ബോളര്‍മാരുടെ കൃത്യതയ്ക്കു മുന്നില്‍ ഹൈദരാബാദ് അടിയറവ് പറയുകയായിരുന്നു. മുംബൈയ്ക്കു വേണ്ടി രാഹുല്‍ ചഹാര്‍, ട്രെന്‍റ് ബോള്‍ട്ട് എന്നിവര്‍ മൂന്നു വിക്കറ്റു വീതവും ജസ്പ്രിത് ബുംറ ക്രുനാല്‍ പാണ്ഡ്യ എന്നിവര്‍ ഓരോ വിക്കറ്റും നേടി. അവസാന ഓവറുകളില്‍ വിജയ് ശങ്കര്‍ പൊരുതി നോക്കിയെങ്കിലും അദ്ദേഹത്തിന് ഹൈദരാബാദിനെ ലക്ഷ്യത്തിലെത്തിക്കാനായില്ല. മികച്ച പ്രകടനം കാഴ്ചവച്ച ഹൈദരബാദ് ബൗളിംഗ് നിരയാണ് മുംബൈയുടെ പേരുകേട്ട ബാറ്റിങ് നിരയെ വലിയ സ്കോര്‍ നേടുന്നതില്‍ നിന്നും തടഞ്ഞു നിര്‍ത്തിയത്. നന്നായി പന്തെറിഞ്ഞ അവര്‍ പവര്‍പ്ലേക്ക് ശേഷം മുംബൈയെ വരിഞ്ഞു മുറുക്കുകയായിരുന്നു. ഡീ കോക്ക് (40) പൊള്ളാര്‍ഡ്(35) രോഹിത് ശര്‍മ (32) എന്നിവര്‍ മാത്രമാണ് മുംബൈക്കായി ഭേദപ്പെട്ട പ്രകടനം കാഴ്ചവച്ചത്. പൊള്ളാര്‍ഡ് അവസാന ഓവറില്‍ തുടര്‍ച്ചയായി നേടിയ രണ്ടു സിക്സറുകളാണ് മുംബൈ സ്കോര്‍ 150ല്‍ എത്തിച്ചത്. നന്നായി തുടങ്ങിയിട്ടും മധ്യനിരയില്‍ നിന്ന് ഉറച്ച പിന്തുണ ലഭിക്കാതെ പോയതാണ് മത്സരത്തിലും മുംബൈക്ക് തിരിച്ചടിയായത്. ഇന്ന് മുംബൈ മധ്യനിരയില്‍ പൊള്ളാര്‍ഡ് ഒഴികെ മറ്റാര്‍ക്കും ഉത്തരവാദിത്തത്തോടെ കളിക്കാന്‍ കഴിഞ്ഞില്ല.
മുബൈയ്ക്ക് വേണ്ടി മികച്ച തുടക്കമാണ് ഓപ്പണര്‍മാരായ ക്വിന്റണ്‍ ഡീ കോക്കും രോഹിത് ശര്‍മയും ചേര്‍ന്ന് നല്‍കിയത്. പവര്‍പ്ലേ ഓവറുകളില്‍ ഹൈദരാബാദ് ബൗളര്‍മാരെ അനായാസം നേരിട്ട ഇരുവരും ചേര്‍ന്ന് ആദ്യ വിക്കറ്റില്‍ 55 റണ്‍സാണ് കൂട്ടിച്ചേര്‍ത്തത്. രോഹിത് ശര്‍മയായിരുന്നു കൂടുതല്‍ അപകടകാരി. പവര്‍പ്ലേക്ക് ശേഷം ബൗളിങ് മാറ്റവുമായി വന്ന ഡേവിഡ് വാര്‍ണര്‍ വിജയ് ശങ്കറിനെ പന്തേല്‍പ്പിച്ചു. തന്‍്റെ ക്യാപ്റ്റന് തന്നിലുള്ള വിശ്വാസം കാത്ത ശങ്കര്‍ തന്റെ ആദ്യ ഓവറിലെ മൂന്നാം പന്തില്‍ തന്നെ ശങ്കര്‍ അപകടകാരിയായ രോഹിത് ശര്‍മയെ മടക്കി. 25 പന്തുകളില്‍ നിന്നും 32 റണ്‍സെടുത്ത രോഹിത്തിനെ ശങ്കര്‍ വിരാട് സിങ്ങിന്റെ കൈയ്യിലെത്തിച്ചു.
രോഹിത്തിന് ശേഷം വന്ന സൂര്യകുമാര്‍ യാദവ് നന്നായി തുടങ്ങിയെങ്കിലും 10 റണ്‍സ് മാത്രമെടുത്ത താരത്തെ പുറത്താക്കി വിജയ് ശങ്കര്‍ വീണ്ടും മുംബൈയ്ക്ക് തിരിച്ചടി നല്‍കി.
അത് വരെ വേഗത്തില്‍ മുന്നേറിയ മുംബൈ ഇന്നിംഗ്സ് രണ്ട് വിക്കറ്റ് നഷ്ടപ്പെട്ടതോടെ പ്രതിരോധത്തിലായി. സൂര്യകുമാറിന് ശേഷം ക്രീസിലെത്തിയ ഇഷാന്‍ കിഷന് താളം കണ്ടെത്താന്‍ നന്നായി പാടുപെട്ടു. മറുവശത്ത് ഡീ കോക്കിനും വേഗം നഷ്ടപ്പെട്ടു. സ്കോര്‍ 98-ല്‍ നില്‍ക്കേ ഡീ കോക്കിനെ മുജീബുര്‍ റഹ്മാന്‍ പുറത്താക്കി. 39 പന്തുകളില്‍ നിന്നും 40 റണ്‍സെടുത്ത ഡി കോക്ക് പുറത്തായതോടെ മുംബൈ അപ്പാടെ പ്രതിരോധത്തിലായി.
-
വൈകാതെ ഇഷാന്‍ കിഷനും പുറത്തായി. 12 റണ്‍സെടുത്ത കിഷനെയും മുജീബുര്‍ റഹ്മാന്‍ തന്നെയാണ് പുറത്താക്കിയത്. കിഷന് പകരം ഹാര്‍ദിക് പാണ്ട്യക്ക് പക്ഷേ സണ്‍റൈസേഴ്സ് ബൗളിങ് നിരയ്ക്ക് മുന്നില്‍ പിടിച്ചുനില്‍ക്കാനായില്ല. സീസണില്‍ ഫോമിലേക്ക് ഉയരാന്‍ കഴിയാത്ത താരത്തെ വെറും ഏഴ് റണ്‍സെടുത്ത താരത്തെ ഖലീല്‍ അഹമ്മദ് പുറത്താക്കി. അവസാന ഓവറുകളില്‍ അടിച്ചുതകര്‍ത്ത പൊള്ളാര്‍ഡാണ് ടീം സ്കോര്‍ 150 കടത്തിയത്.
35 റണ്‍സെടുത്ത പൊള്ളാര്‍ഡും മൂന്ന് റണ്‍സ് നേടിയ ക്രുനാല്‍ പാണ്ഡ്യയും പുറത്താവാതെ നിന്നു.
സണ്‍റൈസേഴ്സിന് വേണ്ടി വിജയ് ശങ്കര്‍, മുജീബുര്‍ റഹ്മാന്‍ എന്നിവര്‍ രണ്ട് വിക്കറ്റ് വീതം വീഴ്ത്തിയപ്പോള്‍ ഖലീല്‍ അഹമ്മദ് ഒരു വിക്കറ്റ് സ്വന്തമാക്കി.
Related News
ആദ്യ വിജയം സ്വന്തമാക്കി ചെന്നൈ
മുംബൈക്കെതിരേ അഞ്ച് വിക്കറ്റ് ; താരമായി ഹര്ഷല് പട്ടേല്
'മണിപ്പൂർ വിഷയത്തിൽ ചർച്ചയ്ക്ക് സഹകരിക്കണം'; പ്രതിപക്ഷത്തിന് കത്തുമായി അമിത് ഷാ