കനത്ത മഴ ; കേരളത്തിലെ രണ്ട് ജില്ലകളില് ഇന്ന് യെല്ലോ അലേര്ട്ട്
തിരുവനന്തപുരം : കേരളത്തിലെ രണ്ട് ജില്ലകളില് ഇന്ന് ശക്തമായ മഴ ലഭിക്കുമെന്ന് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്. കോഴിക്കോടും കണ്ണൂരുമാണ് ശക്തമായ മഴയുണ്ടാകുക. ഇതിന്റെ പശ്ചാത്തലത്തില് ഈ ജില്ലകളില് യെല്ലോ അലേര്ട്ട് പ്രഖ്യാപിച്ചു . മറ്റ് ജില്ലകളിലും കാറ്റിനും മഴയ്ക്കും സാധ്യതയുണ്ട്.
യെല്ലോ അലേര്ട്ട് പ്രഖ്യാപിച്ച ജില്ലകളില് ഏഴ് സെന്റിമീറ്റര് വരെ മഴ ലഭിച്ചേക്കുമെന്നാണ് പ്രവചനം . മറ്റ് ജില്ലകളില് ഇന്നും അടുത്ത മൂന്ന് ദിവസവും വേനല് മഴ ലഭിക്കുമെന്നും അധികൃതര് അറിയിച്ചു. അതേസമയം, കേരള, ലക്ഷദ്വീപ് തീരങ്ങളില് പ്രക്ഷുബ്ധമായ കാലാവസ്ഥയ്ക്ക് സാധ്യതയുള്ളതിനാല് മത്സ്യത്തൊഴിലാളികള് കടലില് പോകരുതെന്ന് കാലാവസ്ഥാ നിരീക്ഷണ കേന്ദ്രം നിര്ദേശിച്ചു.