മൂന്നാംഘട്ട വോട്ടെടുപ്പിലും കനത്ത പോളിംഗ്; പോളിങ് 50 ശതമാനം പിന്നിട്ടു
തിരുവനന്തപുരം: തദ്ദേശ സ്ഥാപനങ്ങളിലേക്കുള്ള അവസാനഘട്ട വോട്ടെടുപ്പിന്റെ ആദ്യ മണിക്കൂറുകളില് മികച്ച പോളിങ്. വോട്ടെടുപ്പ് തുടങ്ങി ആറ് മണിക്കൂര് പിന്നിടുമ്പോൾ പോളിങ് 50 ശതമാനം പിന്നിട്ടു. ആദ്യ രണ്ട് ഘട്ടങ്ങളെക്കാള് ഉയര്ന്ന പോളിങ്ങാണ് ഇതുവരെ രേഖപ്പെടുത്തിയത്.
വോട്ടെടുപ്പ് നടക്കുന്ന കോഴിക്കോട്, കണ്ണൂര്, കാസര്കോട്, മലപ്പുറം എന്നീ നാല് ജില്ലകളിലെ മിക്ക ബൂത്തുകളിലും രാവിലെ മുതല് വലിയ തിരക്കാണ് അനുഭവപ്പെട്ടത്. ചില ബുത്തുകളില് വോട്ടെണ്ണല് മെഷീനിലെ പ്രശ്നങ്ങള് കാരണം പോളിങ് അല്പം വൈകി.
കണ്ണൂര് ആന്തൂര് നഗരസഭയിലാണ് റെക്കോര്ഡ് പോളിങ്. ആറ് മണിക്കൂര് പിന്നിടുമ്പോൾ തന്നെ ആന്തൂരിലെ പോളിങ് 60 ശതമാനം കടന്നു. കണ്ണൂരിലും കാസര്കോടും ചില ബൂത്തുകളില് കള്ളവോട്ട് നടന്നതായുള്ള പരാതിയും ഉയര്ന്നിട്ടുണ്ട്. കോഴിക്കോട് ബേപ്പൂരില് വേട്ട് ചെയ്ത് മടങ്ങിയ വയോധിക ഹൃദയാഘാതം മൂലം മരിച്ചു.