ഇന്ധന വിലയില്‍ വീണ്ടും വര്‍ദ്ധന; പെട്രോള്‍ 90ലേക്ക്

Ajith.A

09 February 2021 09:19 AM

സംസ്ഥാനത്ത് പെട്രോള്‍, ഡീസല്‍ വില വര്‍ധനവ് തുടരുന്നു. ഇന്ന് ഡീസലിന് 37 പൈസ, പെട്രോളിന് 35 പൈസ എന്നിങ്ങനെയാണ് കൂടിയത്. എറണാകുളത്ത് പെട്രോളിന് ലിറ്ററിന് 87.46 രൂപയാണ് ഇന്നത്തെ വില. ഡീസലിന് 81.72 ആയി. തിരുവനന്തപുരത്ത് പെട്രോളിന് 89.18 രൂപ ആയി. ഡീസല്‍ വില 83.33 രൂപയായും വര്‍ധിച്ചു.ഗ്രാമീണ മേഖലകളില്‍ പലയിടത്തും പെട്രോള്‍ വില 90ലെത്തി. ഫെബ്രുവരിയില്‍ ഇന്ധനവില കൂട്ടുന്നത് ഇത് അഞ്ചാം തവണയാണ്.

കഴിഞ്ഞ എട്ടു മാസത്തിനിടെ പെട്രോള്‍, ഡീസല്‍ വിലയില്‍ 16 രൂപയുടെ വര്‍ദ്ധനവാണ് ഉണ്ടായിരിക്കുന്നത്. ആഗോള അസംസ്കൃത എണ്ണയുടെ വിലക്കയറ്റവും പെട്രോളിയം ഉല്‍‌പന്നങ്ങളുടെ ആവശ്യകത ഉയര്‍ന്നതുമാണ് ഇന്ധന വില വര്‍ദ്ധിക്കാനുള്ള പ്രധാന കാരണങ്ങള്‍. ആഗോള വിപണിയിലെ ക്രൂഡ് ഓയില്‍ വിലയും ഡോളര്‍ രൂപ വിനിമയവും കണക്കാക്കിയാണ് രാജ്യത്തെ ഇന്ധനവില നിര്‍ണയിക്കുന്നത്. അന്താരാഷ്ട്ര വിപണിയില്‍ ക്രൂഡ് ഓയിലിന് വില കുറഞ്ഞെങ്കിലും എണ്ണക്കമ്ബനികള്‍ വില വര്‍ദ്ധിപ്പിക്കുന്നതും ഇന്ധനവില വര്‍​ദ്ധനവിന് കാരണമാണ്.