ചലച്ചിത്ര താരം കലിംഗ ശശി അന്തരിച്ചു
കോഴിക്കോട്: ചലച്ചിത്ര താരം കലിംഗ ശശി അന്തരിച്ചു. 59 വയസ്സായിരുന്നു. കരള്‍ രോഗത്തെ തുടര്‍ന്ന് കോഴിക്കോട്ടെ സ്വകാര്യ ആശുപതിയില്‍ ചികിത്സയിലിരിക്കുകയായിരുന്നു. ഇന്ന് പുലര്‍ച്ചെയായിരുന്നു അന്ത്യം.
നാടക രംഗത്ത് തിളങ്ങി നിന്നിരുന്ന ശശി ഹാസ്യകഥാപാത്രത്തിലൂടെയാണ് ജനഹൃദയങ്ങളില്‍ സ്ഥാനം പിടിച്ചത്. ഒന്നുംരണ്ടുമല്ല 25 വര്‍ഷമാണ് അദ്ദേഹം നാടകരംഗത്ത് പ്രവര്‍ത്തിച്ചത്. 500 ല്‍അധികം നാടകങ്ങളില്‍ അദ്ദേഹം അഭിനയിച്ചു.
വി. ചന്ദ്രകുമാര്‍ എന്നായിരുന്നു ഇദ്ദേഹത്തിന്റെ യഥാര്‍ത്ഥ പേര്. 'പാലേരിമാണിക്യം ഒരു പാതിരാക്കൊലപാതകത്തിന്റെ കഥ' എന്ന ചിത്രത്തിലൂടെയാണ് അദ്ദേഹം സിനിമയില്‍ ശ്രദ്ധിക്കപ്പെടുന്നത്. 1998 ലാണ് അദ്ദേഹം സിനിമയിലേക്ക് വന്നത് എങ്കിലും പച്ചപിടിക്കാന്‍ പറ്റിയില്ലായിരുന്നു.
പ്രാഞ്ചിയേട്ടന്‍ ആന്റ് ദ സെയിന്‍റ്, കേരള കഫെ, ഇന്ത്യന്‍ റുപ്പി, അമര്‍ അക്ബര്‍ ആന്റണി, ആമേന്‍, ആദമിന്റെ മകന്‍ അബൂ, വെള്ളിമൂങ്ങ തുടങ്ങി നിരവധി സിനിമകളില്‍ അദ്ദേഹം അഭിനയിച്ചിട്ടുണ്ട്.
Related News
കെ ആര് ഗൗരിയമ്മ അന്തരിച്ചു; ഓര്മയായത് കേരള രാഷ്ട്രീയത്തിലെ കരുത്തുറ്റ നേതാവ്
അഹമ്മദ് പട്ടേല് അന്തരിച്ചു
കൊവിഡ്; സിനിമാ താരം ആശാലത നിര്യാതയായി
മുന് രാഷ്ട്രപതി പ്രണാബ് കുമാര് മുഖര്ജി അന്തരിച്ചു