കര്ഷകരുടെ ദേശീയ പാത ഉപരോധം ഇന്ന്; രാജ്യതലസ്ഥാനം പോലീസ് വലയത്തില്
ന്യൂഡല്ഹി: കര്ഷകസമരം 73-ാം ദിവസത്തിലേക്ക് കടക്കുമ്ബോള് പുതിയ പ്രക്ഷോഭത്തിലേക്ക് കര്ഷകര്. കര്ഷകസംഘടനകളുടെ രാജ്യവ്യാപക ദേശീയ പാത ഉപരോധം ഇന്ന് നടക്കും. ദേശീയ, സംസ്ഥാന പാതകളില് റോഡ് ഉപരോധത്തിന് സംയുക്ത കിസാന് മോര്ച്ച ആഹ്വാനം ചെയ്തു.
അവശ്യസര്വീസുകളെ കടത്തിവിടും. സമാധാനപരമായി ഉപരോധം നടത്തണമെന്ന് കര്ഷക യൂണിയനുകള് നിര്ദേശം നല്കിയിട്ടുണ്ട്. കര്ഷകസമരം നടക്കുന്ന ഡല്ഹിയിലെ പ്രദേശങ്ങളെ സര്ക്കാര് ഉപരോധത്തില് ആക്കിയിരിക്കുന്നതിനാല് ഇവിടെ റോഡ് ഉപരോധം ഇല്ലെന്ന് കര്ഷക സംഘടനകള് വ്യക്തമാക്കി. ഉ ച്ചയ്ക്ക് 12 മുതല് മൂന്നു വരെയാണ് മറ്റു സ്ഥലങ്ങളില് റോഡ് ഉപരോധം.
ഉപരോധത്തിന് കോണ്ഗ്രസ് പിന്തുണ പ്രഖ്യാപിച്ചിട്ടുണ്ട്. കര്ഷകര് ഡല്ഹിയിലേക്ക് കടന്ന് ഉപരോധം നടത്താന് സാധ്യത കണക്കിലെടുത്ത് പോലീസ് അതിര്ത്തികളില് വന് സുരക്ഷയാണ് ഒരുക്കിയിരിക്കുന്നത്. ഡല്ഹി പോലീസിലെ ഉന്നത ഉദ്യോഗസ്ഥര് യോഗം ചേര്ന്ന് സുരക്ഷ ക്രമീകരണങ്ങള് വിലയിരുത്തി. ഹരിയാന പോലീസിനും ജാഗ്രത നിര്ദ്ദേശം നല്കിയിട്ടുണ്ട്.