പരീക്ഷാ തീയതികള്‍ പ്രഖ്യാപിച്ചിട്ടില്ല; സിബിഎസ്‌ഇ
ന്യൂഡല്‍ഹി: കോവിഡ് 19ന്റെ പശ്ചാത്തലത്തില്‍ 10,12 ക്ലാസുകളിലെ പരീക്ഷകളെ പറ്റി പ്രചരിക്കുന്ന വ്യാജ പ്രചാരണങ്ങളില്‍ വിശ്വസിക്കരുതെന്ന് സിബിഎസ്‌ഇ. ലോക്ക്ഡൗണ്‍ മാറിയ ശേഷം പരീക്ഷകള്‍ നടത്തുമെന്ന തീരുമാനത്തില്‍ മാറ്റമില്ലെന്ന് സിബിഎസ്‌ഇ ഔദ്യോഗിക ട്വിറ്റര്‍ അക്കൗണ്ടിലൂടെ വ്യക്തമാക്കി. 10,12 ക്ലാസുകളുടെ 29 വിഷയങ്ങള്‍ക്കാണ് പരീക്ഷ നടത്താനുള്ളത്. പരീക്ഷ നടത്തിപ്പിനെപറ്റി വരുന്ന പ്രചാരണങ്ങള്‍ അടിസ്ഥാന രഹിതമാണെന്നും ഏപ്രില്‍ ഒന്നിന് പുറത്തിറക്കിയ സര്‍ക്കുലറില്‍ വ്യക്തമാക്കുന്നതില്‍ നിന്ന് വ്യതിചലിച്ചിട്ടില്ലെന്നും സിബിഎസ്‌ഇ വ്യക്തമാക്കി. ലോക്ക്ഡൗണ്‍ കഴിഞ്ഞ ശേഷം സ്ഥിഗതികള്‍ വിലയിരുത്തിയ ശേഷം പരീക്ഷ നടത്തുമെന്നാണ് സിബിഎസ്‌ഇ സര്‍ക്കുലറില്‍ അറിയിച്ചിരുന്നത്.
പരീക്ഷ റദ്ദാക്കിയെന്നും അടുത്ത മാസം ആദ്യം നടത്തുമെന്നും വ്യാജ പ്രചാരണങ്ങള്‍ നടന്നിരുന്നു. സിബിഎസ്‌ഇയുടെ ലെറ്റര്‍ പാഡുള്‍പ്പെടെ വ്യാജമായി നിര്‍മ്മിച്ചായിരുന്നു പ്രചാരണം. മാറ്റിവച്ച പരീക്ഷകള്‍ ലോക്ക്ഡൗണ്‍ അവസാനിച്ച ശേഷം നടത്തുമെന്ന് കേന്ദ്ര മാനവ വിഭവശേഷി മന്ത്രി രമേഷ് പൊക്രിയാല്‍ നിശാങ്ക് കഴിഞ്ഞ ദിവസം വ്യക്തമാക്കിയിരുന്നു. സാമൂഹ്യ മാധ്യമങ്ങളില്‍ വിദ്യാര്‍ത്ഥികളുടെ ചോദ്യങ്ങള്‍ക്ക് മറുപടി നല്‍കുകയായിരുന്നു മന്ത്രി.
Related News
പ്രഖ്യാപിച്ചത് വന് ഇളവുകള്, കടകള് രാത്രി ഒന്പതുവരെ തുറക്കാം , കല്യാണത്തിനും മരണത്തിനും ഇരുപതുപേര് മാത്രം
കൊവിഡ്: കേരളം രാജ്യത്തിന് മാതൃക; പ്രതിദിന കേസില് ആശങ്ക വേണ്ടെന്ന് മിഷിഗണ് യൂണിവേഴ്സിറ്റി പ്രൊഫസര് ഭ്രമർ മുഖർജി
ലോക ചാമ്പ്യനെ വീഴ്ത്തി ഒന്നാമത്; ചരിത്രം സൃഷ്ടിച്ച് പ്രഗ്നാനന്ദ
ആലപ്പുഴയിൽ 545 പേർക്ക് കോവിഡ്