കോവിഡ് 19; മരണം 7000 കടന്നു. ചൈനയിൽ 3000ത്തിലേറെയും ഇറ്റലിയിൽ 2000ത്തിലേറെയും മരണങ്ങൾ
ഇറ്റലി: കോവിഡ് 19 രോഗബാധയെ തുടർന്ന് ലോകത്ത് മരണം എഴായിരം കവിഞ്ഞു. വൈറസ് സ്ഥിരീകരിച്ചവരുടെ എണ്ണം ഒരു ലക്ഷത്തി എൺപതിനായിരമായതോടെ ലോകരാജ്യങ്ങൾ നടപടി കടുപ്പിച്ച് രംഗത്തെത്തി. ഇറ്റലിക്ക് പിന്നാലെ ഫ്രാൻസും ജനങ്ങൾ പുറത്തിറങ്ങുന്നത് വിലക്കി. സ്വിറ്റ്സർലൻഡും അടിയന്തരാവസ്ഥ പ്രഖ്യാപിച്ചു.
കൊറോണ വൈറസ് ബാധിച്ച് ലോകത്ത് മരണപ്പെട്ടവരുടെ എണ്ണം 7164 ആയി ഉയര്ന്നു. ഏറ്റവും കൂടുതല് മരണം ചൈനയിലാണ്, 3226 പേര്. വൈറസിന്റെ പ്രഭവകേന്ദ്രമായ ചൈനയ്ക്ക് ശേഷം കൊറോണ വ്യാപകമായി പടര്ന്ന ഇറ്റലിയില് 2158 പേരും മരണപ്പെട്ടു. 87 പേരാണ് അമേരിക്കയില് മരിച്ചത്. 162 രാജ്യങ്ങളിലായി 182,550 ആളുകള്ക്ക് ഇതുവരെ വൈറസ് ബാധ സ്ഥിരീകരിച്ചു.