തമിഴ്നാട്ടിലെ നാലു പ്രദേശങ്ങളില് സമ്പൂർണ ലോക്ഡൗണ്
ചെന്നൈ: കോവിഡ് പടരുന്ന സാഹചര്യത്തില് തമിഴ്നാട്ടിലെ നാലു പ്രദേശങ്ങളില് സമ്പൂർണ ലോക്ഡൗണ് ഏര്പ്പെടുത്തും. തലസ്ഥാന നഗരമായ ചെന്നൈ, തിരുവള്ളൂര്, കാഞ്ചീപുരം, ചെങ്കല്പ്പട്ട് എന്നിവിടങ്ങളിലാണ് ജൂണ് 19 മുതല് 30 വരെ സമ്പൂർണ ലോക്ഡൗണ്. കൂടാതെ സംസ്ഥാനത്ത് ഞായറാഴ്ചകളില് സമ്പൂർണ ലോക്ഡൗണും ഏര്പ്പെടുത്തും. ആശുപത്രി, ലബോറട്ടറി, ഫാര്മസി തുടങ്ങിയവ പ്രവര്ത്തിക്കും. കണ്ടൈൻറ്മെൻറ് സോണുകളിലൊഴികെ വ്യാപാര സ്ഥാപനങ്ങള് രാവിലെ ആറുമുതല് ഉച്ച രണ്ടുവരെ പ്രവര്ത്തിക്കാം. അത്യാവശ്യ സേവനങ്ങള്ക്ക് മാത്രം ടാക്സി, ഓട്ടോ, സ്വകാര്യ വാഹനങ്ങൾ അനുവദിക്കും.