14 കാരിയെ കൂട്ടബലാത്സംഗം ചെയ്‌ത 3 യു പി സ്വദേശികള്‍ അറസ്‌റ്റില്‍
കൊച്ചി> കൊച്ചിയില്‍ പതിനാലുകാരിയെ കൂട്ടബലാത്സംഗത്തിനിരയാക്കിയ കേസില്‍ ഉത്തര്‍പ്രദേശ് സ്വദേശികള്‍ പിടിയില്‍. ഏലൂര്‍ മഞ്ഞുമ്മലിലാണ് സംഭവം. ഉത്തര്‍പ്രദേശ് സ്വദേശികളായ ഷാഹിദ്(24), ഫര്‍ഷാദ് ഖാന്‍(29), ഹനീഫ് ഷാ(28) എന്നിവരാണ് പിടിയിലായത്. മറ്റ് മൂന്ന് പ്രതികള്‍ സംസ്ഥാനം വിട്ടതായാണ് വിവരം.അതിഥി തൊഴിലാളിയുടെ മകളാണ് ബലാത്സംഗത്തിന് ഇരയായത്.
മാര്‍ച്ചിലാണ് കേസിനാസ്പദമായ സംഭവം നടന്നത്. മാതാപിതാക്കള്‍ ജോലി സംബന്ധമായി ഡല്‍ഹിയിലായിരുന്നതിനാല്‍ മഞ്ഞുമ്മലിലെ ബന്ധു വീട്ടിലായിരുന്നു പെണ്‍കുട്ടി താമസിച്ചിരുന്നത്. ഇതര സംസ്ഥാന തൊഴിലാളികളായ പ്രതികള്‍ താമസിച്ചിരുന്നത് ഈ വീടിന് സമീപമായിരുന്നു. പെണ്‍കുട്ടിയുമായി പരിചയത്തിലായ ശേഷം പല സ്ഥലങ്ങളിലും കൊണ്ടുപോയി പീഡിപ്പിച്ചതായാണ് കേസ്. കൗണ്‍സിലിംഗിലാണ് പെണ്‍കുട്ടി പീഡന വിവരം പുറത്തുപറഞ്ഞത്. ഇടപ്പള്ളി ടോളിലും കുന്നുംപുറത്തും വച്ച്‌ പീഡനം നടന്നതായും പെണ്‍കുട്ടി പറഞ്ഞു. സംഭവത്തില്‍ ഏലൂര്‍ പൊലീസാണ് കേസ് എടുത്തിരിക്കുന്നത്. മറ്റ് പ്രതികള്‍ക്കായി അന്വേഷണം ആരംഭിച്ചതായി പൊലീസ് അറിയിച്ചു.
Related News
സ്വിഗ്ഗി വഴി ഒരു ബിരിയാണി കൊടുത്തു; കിടിലോസ്കി മോഡലിനെ ഇറക്കി മഹാദേവൻ തമ്പി
കൊച്ചി മെട്രോ ഇന്ന് മുതല് സര്വീസ് പുനരാരംഭിക്കും
കൊച്ചി മെട്രോ സര്വീസ് അടുത്ത ആഴ്ച്ച മുതല് പുനരാരംഭിച്ചേക്കും
കേരളീയം പിറന്നു; കേരളീയർക്ക് ഒന്നിച്ചാഘോഷിക്കാൻ കേരളീയം എനി എല്ലാ വർഷവുമെന്ന് മുഖ്യമന്ത്രി