ഐ.എച്ച്‌.ആർ.ഡി കോളേജുകളിൽ ബിരുദാനന്തര ബിരുദ പ്രവേശനം

News Desk

22 June 2023 11:05 AM

ഐ.എച്ച്‌.ആർ.ഡിക്ക് കീഴിൽ കാലിക്കറ്റ്‌ സർവകലാശാലയിൽ അഫിലിയേറ്റ്‌ ചെയ്തിട്ടുള്ള അപ്ലൈഡ് സയൻസ്‌ കോളേജുകളിലേക്ക്‌ 2023-24 അധ്യയന വർഷത്തിൽ ബിരുദാനന്തര ബിരുദ കോഴ്‌സുകളിൽ കോളേജുകൾക്ക്‌ അനുവദിച്ച 50 ശതമാനം സീറ്റുകളിൽ ഓൺലൈൻ/ഓഫ്‌ ലൈൻ വഴി പ്രവേശനത്തിനായി അർഹരായവരിൽ നിന്നും അപേക്ഷ ക്ഷണിച്ചു. അപേക്ഷ www.ihrdadmissions.org എന്ന വെബ്സൈറ്റ്‌ വഴി ഓൺലൈനായി സമർപ്പിക്കാം. ഓൺലൈനായി സമർപ്പിച്ച അപേക്ഷയുടെ പ്രിന്റ് ഔട്ട്, നിർദ്ദിഷ്ട അനുബന്ധങ്ങളും,1000 രൂപ (എസ്‌.സി,എസ്‌.ടി 350 രൂപ) രജിസ്ട്രേഷൻ ഫീസ്‌ ഓൺലൈനായി അടച്ച വിവരങ്ങളും സഹിതം പ്രവേശനം ആഗ്രഹിക്കുന്ന കോളേജിൽ സമർപ്പിക്കണം. കൂടുതൽ വിവരങ്ങൾക്ക്‌ : 0471 2322985, 0495-2765154, 2768320, 8547005044 www.ihrd.ac.in