പാര്ട്ടി തീരുമാനം അംഗീകരിക്കുന്നു, കൂടുതല് പ്രതികരണത്തിനില്ല: കെ.കെ. ഷൈലജ
തിരുവനന്തപുരം: രണ്ടാം പിണറായി മന്ത്രിസഭയില് നിന്ന് ഒഴിവാക്കിയ പാര്ട്ടി തീരുമാനം അംഗീകരിക്കുന്നുവെന്ന് കെ.കെ. ഷൈലജ. എല്ലാ തീരുമാനവും പാര്ട്ടിയുടേതാണ്. ഇക്കാര്യത്തില് മറ്റൊരു പ്രതികരണത്തിനും ഇല്ലെന്ന് അവര് മാധ്യമങ്ങളോട് വ്യക്തമാക്കി.
മുഖ്യമന്ത്രി ഒഴികെ രണ്ടാം പിണറായി സര്ക്കാരില് മന്ത്രിമാരെല്ലാം പുതുമഖങ്ങളായിരിക്കണമെന്ന സിപിഎം സംസ്ഥാന സെക്രട്ടറിയേറ്റ് തീരുമാനത്തിലാണ് ഷൈലജയെ ഒഴിവാക്കിയത്. എന്നാല് പാര്ട്ടി വിപ്പ് എന്ന പദവി അവര്ക്ക് നല്കുകയും ചെയ്തിട്ടുണ്ട്.