പ്ലസ് വണ് പ്രവേശനം; ജൂണ് 2 മുതല് 9 വരെ അപേക്ഷകള് സ്വീകരിക്കും
തിരുവനന്തപുരം: പ്ലസ് വണ് പ്രവേശനത്തിനുള്ള അപേക്ഷ ജൂണ് രണ്ട് മുതല് ഒമ്ബത് വരെ സ്വീകരിക്കും.
ജൂണ് 13-ന് ട്രയല് അലോട്മെന്റും 19-ന് ആദ്യ അലോട്മെന്റും നടക്കും. ജൂലൈ അഞ്ചിന് ക്ലാസുകള് ആരംഭിക്കും. പ്രവേശന നടപടികള് സംബന്ധിച്ചുള്ള അറിയിപ്പുകള് ഹയര്സെക്കൻഡറി ഡയറക്ടറേറ്റ് പ്രസിദ്ധീകരിച്ചു.
അപേക്ഷ നല്കുന്നതിന് പഠിച്ച സ്കൂളിന്റെയോ, സര്ക്കാര്-എയ്ഡഡ് ഹയര് സെക്കൻഡറി സ്കൂളിന്റെയോ സൗകര്യവും അദ്ധ്യാപകരുടെ സഹായവും പ്രയോജനപ്പെടുത്താം. പ്രവേശന നടപടികള് പൂര്ത്തിയാകുന്നതുവരെ ഹെല്പ് ഡെസ്ക് പ്രവര്ത്തിക്കും. മറ്റ് ബോര്ഡുകളില് നിന്ന് യോഗ്യത നേടിയിട്ടുള്ളവര് മൈഗ്രേഷൻ സര്ട്ടിഫിക്കറ്റ് ഹാജരാക്കണം. സിബിഎസ്ഇ യോഗ്യത നേടിയവരെ മുഖ്യ അലോട്മെന്റിന് ശേഷമുള്ള ഒഴിവുകളിലാണ് പരിഗണിക്കുക. എയ്ഡഡ് ഹയര്സെക്കൻഡറി സ്കൂളുകളിലെ മാനേജ്മെന്റ് ക്വാട്ട സീറ്റുകളിലേക്കുള്ള പ്രവേശനം അതാത് സ്കൂള് മാനേജ്മെന്റുകളാണ് നടത്തുന്നത്.
വിദ്യാര്ത്ഥികള് ഓണ്ലൈനായാണ് അപേക്ഷ സമര്പ്പിക്കേണ്ടത്. ഇതിനായി www.admission.dge.kerala.gov.in എന്ന വെബ്സൈറ്റ് സന്ദര്ശിക്കുക.