തൃക്കാക്കരയില്‍ സിപിഎം പ്രവര്‍ത്തകയുടെ വീട് തീവെച്ച്‌ നശിപ്പിച്ചു

Ajith.A

08 May 2022 11:58 AM

കൊച്ചി: തൃക്കാക്കരയില്‍ സിപിഎം (CPM) പ്രവര്‍ത്തകയുടെ വീടിന് തീയിട്ടു. അത്താണി സ്വദേശിനിയായ മഞ്ജുവിന്റെ വീടാണ് തീവെപ്പില്‍ പൂര്‍ണമായി കത്തിനശിച്ചത്.
ശനിയാഴ്ച രാത്രി ഒരുമണിയോടെയാണ് സംഭവം. വീട് തീവെച്ചതുമായി ബന്ധപ്പെട്ട് മഞ്ജുവിന്‍റെ അയല്‍വാസിയെ പൊലീസ് അറസ്റ്റ് ചെയ്തിട്ടുണ്ട്. അതേസമയം രാഷ്ട്രീയവിരോധത്താല്‍ അല്ല തീയിട്ടതെന്നാണ് പൊലീസ് പറയുന്നത്. സംഭവം നടക്കുമ്ബോള്‍ വീട്ടില്‍ ആളില്ലാത്തതിനാല്‍ വന്‍ ദുരന്തം ഒഴിവായി.

അയല്‍വാസിയും മഞ്ജുവുമായി ചില തര്‍ക്കങ്ങളുണ്ടായിരുന്നു. മദ്യലഹരിയിലാണ് തീയിട്ടതെന്നാണ് പ്രതി പൊലീസിനോട് പറഞ്ഞത്. വീട് പൂര്‍ണമായി കത്തിനശിച്ചിട്ടുണ്ട്. ഇന്നലെ വൈകിട്ട് ഇവര്‍ ഇടപ്പള്ളി പെരുന്നാളിന് പോയ സമയത്തായിരുന്നു അക്രമണം നടന്നത്.