കുലസ്ത്രീ; ഉത്തരങ്ങളിൽ നിലയുറപ്പിക്കാൻ സമയമായി

News Desk

07 November 2021 02:09 PM

ഓരോ കാലങ്ങളായി പിന്തുടർന്ന് പോരുന്ന കീഴ്‌വഴക്കത്തിന് അനുസൃതമായി ജീവിക്കാൻ വിധിക്കപ്പെടുന്ന കുറെ പെൻപിറപ്പുകൾ. ഒരു കാലത്തും തങ്ങളുടെ ജീവിതം തങ്ങളുടെ തീരുമാനത്തോട് ചേർത്ത് നിർത്താൻ കഴിയാതെ ആരുടെയൊക്കെയോ കൈയിലെ കളിപാവകൾ ആവാൻ വിധിക്കപ്പെട്ട അസമത്വ കാഴ്ചകൾ
കാലാനുസൃതമായ അവളുടെ സ്വപങ്ങൾക്ക് ചിറകുകൾ മോളക്കുമ്പോൾ അവയ്ക്ക് വർണങ്ങളേകുന്ന നീതി ബോധമുള്ള പൗർശ ഭാവങ്ങൾ. ഈത്തരത്തിൽ ഒരു ആശയം എല്ലാ കാലത്തും പ്രസക്തമാണ്. 'കുലസ്ത്രീ. അത്തരമൊരു ആശയത്തിന്റെ തീക്ഷ്ണമായ ആവിഷ്കാരമാണ്.

ഒരു കുടംബവ്യവസ്ഥ എങ്ങനെ രൂപപ്പെടുന്നു? അതിൽ ആണിന്റെയും പെണ്ണിന്റെയും മനോധർമ്മം എന്ത്? രണ്ടു പേർക്കും ഒരു തുല്യയിടം കിട്ടുന്നുണ്ടോ? അത്തരത്തിലുള്ള ഒരുപാട് ചോദ്യങ്ങൾ. ഒരുപാട് തവണ നാം നമ്മോട് തന്നെ ചോദിച്ചു ഈ ചോദ്യങ്ങൾ അവസാനിപ്പിച്ചു, ഉത്തരങ്ങളിൽ നിലയുറപ്പിക്കാൻ സമയമായി എന്നു ഓർമിപ്പിക്കുന്നു ഈ കൊച്ചുസിനിമ.

ഒറ്റ ദിവസത്തെ ഷെഡ്യുളിൽ പൂർത്തിയാക്കിയ ഈ ചിത്രം ആശയം കൊണ്ടും അവതരണം കൊണ്ട് ഏറെ സമകാലിക പ്രസ്കതി അർഹിക്കുന്ന ചിത്രമാണ്. ഡോ. ഷാജുവാണ് ഇതിലെ കേന്ദ്ര കഥാപാത്രം എന്ന് പറയാം. നാല് വ്യത്യസ്ത കാലഘട്ടങ്ങളിലെ കഥാപാത്രങ്ങളെയാണ് പാപ്പൻ സംവിധാനം ചെയ്ത ഈ ചിത്രത്തിൽ ഷാജു ഉൾപ്പടെയുള്ളവർ അവതരിപ്പിച്ചിരിക്കുന്നത്. ശ്രീലക്ഷ്മി ഹരിദാസ്, ശ്രീജിത്ത് സുരേന്ദ്രൻ, ദിൽ മുഹമ്മദ്, സജു സലാം, റിയാസ്, മേനോൻ, രംഭ, ദിയ മറിയം കഥാപാത്രങ്ങളെ അവതരിപ്പിച്ചത്.

THE STORY FACTORY യുടെ നിർമ്മാണത്തിൽ പാപ്പൻ തന്നെയാണ് കഥയും തിരക്കഥയും, സംഭാഷണവും നിർവഹിച്ചിരിക്കുന്നത്. റെജിൻ വർഗീസാണ് ഛായാഗ്രഹണം. മിഥുൻ രാജാണ് എഡിറ്റിങ്. അസ്സോസിയേറ്റ് ഡയറക്ടർ ; അഭിലാഷ്, അസിസ്റ്റന്റ് ഡയറക്ടേഴ്സ് : ടോണി, ജിഷാദ് എന്നിവരാണ്. സയ്ദ് അലി അഷ്റഫാണ് സംഗീതം.