ഇബുള് ജെറ്റിനെതിരെയുള്ള കുറ്റപത്രം സമര്പ്പിച്ച് MVD
യുട്യൂബ് വ്ളോഗര് മാരായ ഇബുള് ജെറ്റ് സഹോദരങ്ങള്ക്കെതിരെയുള്ള കേസില് എംവിഡി കുറ്റപത്രം സമര്പ്പിച്ചു. തലശ്ശേരി എ.സി.ജെ.എം കോടതിയിലാണ് കുറ്റപത്രം സമര്പ്പിച്ചത്. 42,400 രൂപ പിഴ ഒടുക്കാത്തതിനെ തുടര്ന്നാണ് കോടതിയില് എംവിഡി കുറ്റപത്രം നല്കിയത്.
1988-ലെ എംവിഡി നിയമവും, കേരള മോട്ടോര് നികുതി നിയമവും ലംഘിച്ചെന്ന് കുറ്റപത്രത്തില് ആരോപിക്കുന്നു. അതേസമയം ഇബുള് ജെറ്റ് സഹോദരങ്ങള് ആര്ടിഒ ഓഫീസില് ബഹളം വച്ച അതേദിവസം ഓഫീസിലെ ലാന്ഡ് ലൈനില് വിളിച്ച് ഉദ്യോഗസ്ഥരെ ഭീഷണിപ്പെടുത്തിയവര് കുടുങ്ങും. ഇവര്ക്കെതിരെ കേസെടുക്കുമെന്ന് പൊലീസ് അറിയിച്ചു.