പുതിയ മന്ത്രിമാര്‍ സൂപ്പര്‍: വെള്ളാപ്പള്ളി നടേശൻ

News Desk

20 May 2021 10:19 PM

എല്ലാം പുതിയ മന്ത്രിമാരായത് സൂപ്പറായെന്നും പുതുമുഖങ്ങള്‍ വരണം അപ്പോള്‍ പുതിയ ഭാവവും രൂപവും ഉണ്ടാകുമെന്നും എസ്.എന്‍.ഡി.പി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍ പറഞ്ഞു. വള്ളിനിക്കറിട്ട് രാഷ്ട്രീയത്തില്‍ വന്ന് വടികുത്തുംവരെ തുടരുന്ന രീതിക്ക് മാറ്റം വന്നില്ലേ. അത് രാജ്യത്തിനും ഭരണത്തിനും ഏറെ നന്മ ചെയ്യുമെന്നും അദ്ദേഹം പറഞ്ഞു. സത്യപ്രതിജ്ഞാ ചടങ്ങില്‍ പങ്കെടുത്ത് മടങ്ങുന്നതിനിടെ മാധ്യമങ്ങളോട് സംസാരിക്കുകയായിരുന്നു അദ്ദേഹം.കോണ്‍ഗ്രസില്‍ പ്രതീക്ഷയില്ല. നേതൃമാറ്റം ഉണ്ടായതുകൊണ്ട് എന്തെങ്കിലും മാറ്റം ഉണ്ടാകുമെന്ന് കരുതുന്നില്ല. മച്ചി പശുവിനെ തൊഴുത്ത് മാറ്റി കെട്ടിയിട്ട് കാര്യമില്ലെന്നും വെളളാപ്പള്ളി പരിഹസിച്ചു.ശൈലജ ടീച്ചര്‍ നല്ല മന്ത്രിയായിരുന്നു. മന്ത്രിമാര്‍ക്ക് എന്തറിയാം. വകുപ്പിനെ നിയന്ത്രിക്കുന്ന ഉദ്യോഗസ്ഥരുടെ മികവിനെക്കുറിച്ച്‌ ആരും ഒന്നും പറയുന്നില്ല. മുഖ്യമന്ത്രി വിളിച്ച്‌ വരണമെന്ന് പറഞ്ഞിരുന്നതിനാലാണ് വന്നതെന്നും അദ്ദേഹം പറഞ്ഞു.