രാജ്യത്തെ യഥാര്‍ഥ ഇടതുപക്ഷം കോണ്‍ഗ്രസ്: മനീഷ് തിവാരി
തിരുവനന്തപുരം: രാജ്യത്തെ യഥാര്‍ഥ ഇടതുപക്ഷം കോണ്‍ഗ്രസാണെന്ന് മുന്‍ കേന്ദ്രമന്ത്രി മനീഷ് തിവാരി. രാജ്യത്ത് അപ്രഖ്യാപിത അടിയന്തരാവസ്ഥ നിലനില്‍ക്കുന്നു. ഈ സാഹചര്യത്തില്‍ നിന്ന് ഇന്ത്യയെ രക്ഷിക്കാന്‍ ഇടതു മുന്നണികള്‍ക്ക് സാധിക്കില്ലെന്നും അദ്ദേഹം വാര്‍ത്താസമ്മേളനത്തില്‍ പറഞ്ഞു.
രാജ്യം ഫാസിസത്തിലേക്ക് നീങ്ങിക്കൊണ്ടിരിക്കുന്നു. കോണ്‍ഗ്രസിനും യുഡിഎഫിനും മാത്രമെ ഫാസിസത്തെ ചെറുക്കാന്‍ സാധിക്കൂ. രാജ്യത്തെ സാന്പത്തിക അവസ്ഥ തകര്‍ന്നു. വരുമാനത്തിലും നികുതിയിലും 17 ലക്ഷം കോടി രൂപയുടെ വിടവാണ് ബജറ്റില്‍ കാണിക്കുന്നത്. പൊതുമേഖലാ സ്ഥാപനങ്ങള്‍ വിറ്റ് തുലച്ചു. അതുകൊണ്ടു തന്നെ ഇപ്പോള്‍ നടക്കുന്ന നിയമസഭ തിരഞ്ഞെടുപ്പുകള്‍ ഏറെ നിര്‍ണായകമാണ്. ഇന്ത്യയുടെ ആത്മാവ് സംരക്ഷിക്കാനുള്ള ഈ യുദ്ധത്തില്‍ ഇടതുപക്ഷത്തിനു വോട്ടു ചെയ്യാന്‍ ആഗ്രഹിക്കുന്നവര്‍ കോണ്‍ഗ്രസിനും യുഡിഎഫിനും വോട്ടു ചെയ്യണം. കാരണം കോണ്‍ഗ്രസാണ് യഥാര്‍ഥ ഇടതുപക്ഷം- മനീഷ് തിവാരി കൂട്ടിച്ചേര്‍ത്തു.
Related News
യു.ഡി.എഫ് കൊടുങ്കാറ്റുപോലെ തിരിച്ചുവരും: വി.ഡി സതീശന്
കേരളത്തിലെ പരാജയം; ഹൈക്കമാന്ഡ് റിപ്പോര്ട്ട് തേടി
'രാജിക്ക് തയ്യാര്' ; മുല്ലപ്പള്ളി
ബി.ജെ.പിയുമായി യു.ഡി.എഫ് വോട്ടുകച്ചവടം നടത്തി -പിണറായി
