ലക്ഷ്‌മി പ്രിയയ്‌ക്കെതിരെ കോടതിയെ സമീപിച്ച് നടി അൻസിബ
അഭിനേതാക്കളുടെ സംഘടനയായ ‘അമ്മ’യുടെ വൈസ് പ്രസിഡന്റ് ലക്ഷ്‌മി പ്രിയ, ഭർത്താവ് ജയേഷ്, തൃപ്പൂണിത്തുറ സ്റ്റേഷനിലെ എസ്ഐ രേഷ്‌മ എന്നിവർക്കെതിരെ നിയമനടപടിയുമായി നടി അൻസിബ ഹസൻ. ഇവർക്കെതിരെ ക്രിമിനൽ നടപടിപ്രകാര…
അഭിനേതാക്കളുടെ സംഘടനയായ ‘അമ്മ’യുടെ വൈസ് പ്രസിഡന്റ് ലക്ഷ്‌മി പ്രിയ, ഭർത്താവ് ജയേഷ്, തൃപ്പൂണിത്തുറ സ്റ്റേഷനിലെ എസ്ഐ രേഷ്‌മ എന്നിവർക്കെതിരെ നിയമനടപടിയുമായി നടി അൻസിബ ഹസൻ. ഇവർക്കെതിരെ ക്രിമിനൽ നടപടിപ്രകാരം കേസെടുക്കാൻ പൊലീസിന് നിർദേശം നൽകണമെന്ന് ആവശ്യപ്പെട്ടാണ് അൻസിബ ഹർജി നൽകിയിരിക്കുന്നത്. ഹർജി പരിഗണിച്ച തൃപ്പൂണിത്തുറ ജുഡീഷ്യൽ ഫസ്റ്റ് ക്ലാസ് കോടതി, ഈ മാസം 17-നകം റിപ്പോർട്ട് സമർപ്പിക്കാൻ പൊലീസിന് നിർദേശം നൽകി.
സംഘടനയെ അപകീർത്തിപ്പെടുത്താൻ ശ്രമിച്ചുവെന്ന് ചൂണ്ടിക്കാട്ടി അൻസിബക്കെതിരെ 'അമ്മ' നേതൃത്വം കടുത്ത നീക്കങ്ങളുമായി മുന്നോട്ട് പോകുന്നതിനിടയിലാണ് നടിയുടെ ഈ പ്രത്യാക്രമണം. അൻസിബയ്ക്ക് സംഘടന കഴിഞ്ഞ ദിവസം കാരണം കാണിക്കൽ നോട്ടീസ് അയച്ചിരുന്നു. ഈ മാസം 17-നുകൂടി മറുപടി നൽകിയില്ലെങ്കിൽ സംഘടനയിൽ നിന്ന് പുറത്താക്കുമെന്നാണ് നോട്ടീസിലെ മുന്നറിയിപ്പ്.
'അമ്മ' സംഘടനയുടെ കാരണം കാണിക്കൽ നോട്ടീസിന് പിന്നാലെ, വൈസ് പ്രസിഡന്റിനും പൊലീസിനുമെതിരെ അൻസിബ കോടതിയെ സമീപിച്ചതോടെ ഇരുവിഭാഗവും തമ്മിലുള്ള തർക്കം പുതിയ നിയമപോരാട്ടങ്ങളിലേക്ക് വഴിമാറിയിരിക്കുകയാണ്. കോടതി നിർദേശപ്രകാരം ഈ മാസം 17-ന് പൊലീസ് സമർപ്പിക്കുന്ന റിപ്പോർട്ട് കേസിൽ നിർണായകമാകും.
