ഏറ്റവും വില കുറഞ്ഞ കാറുമായി BYD

പ്രമുഖ വാഹന നിർമാതാക്കളായ ബിവൈഡി (BYD) തങ്ങളുടെ നിരയിലെ ഏറ്റവും ചെറിയ ഇലക്ട്രിക് കാറായ 'ബിവൈഡി അറ്റോ 1' (BYD Atto 1) ബാങ്കോക്ക് മോട്ടോർ ഷോയ്ക്കിടെ തായ്‌ലൻഡിൽ പുറത്തിറക്കി. ആഗോള വിപണിയിൽ ഇതിനകം തന്നെയുള്ള ഈ മോഡൽ, ചില വിപണികളിൽ 'സീഗൾ' (Seagull) അല്ലെങ്കിൽ 'ഡോൾഫിൻ സർഫ്' (Dolphin Surf) എന്നീ പേരുകളിലാണ് കമ്പനി വിൽക്കുന്നത്.
 
 നഗരയാത്രകൾക്ക് ഏറ്റവും അനുയോജ്യവും സൗകര്യപ്രദവുമായ ഗതാഗത മാർഗ്ഗം വാഗ്ദാനം ചെയ്യുക എന്ന ലക്ഷ്യത്തോടെയാണ് ഈ വാഹനം രൂപകൽപ്പന ചെയ്തിരിക്കുന്നത്. ബിവൈഡിയുടെ നിരയിലെ ഏറ്റവും താങ്ങാനാവുന്ന ഇലക്ട്രിക് കാർ കൂടിയാണിത്. ഷെയ്ൽ വൈറ്റ്, ക്വാണ്ടം ബ്ലാക്ക്, പോപ്പ് ഗ്രീൻ, വെലോസിറ്റി ബ്ലൂ എന്നീ നാല് ആകർഷകമായ നിറങ്ങളിലാണ് കാർ വിപണിയിലെത്തുന്നത്. ഈ കാറിന്റെ വിലയും മറ്റ് പ്രധാന സവിശേഷതകളും താഴെ പറയുന്നവയാണ്.