ഉത്ര വധക്കേസ്; പ്രാരംഭ വിചാരണ നടപടികള്‍ ഇന്നാരംഭിക്കും
കൊല്ലം: അഞ്ചലിലെ ഉത്ര വധക്കേസിന്റെ വിചാരണയുടെ പ്രാരംഭ നടപടികള്‍ ഇന്ന് ആരംഭിക്കും. കൊല്ലം ജില്ലാ സെഷന്‍സ് കോടതിയാണ് കേസ് പരിഗണിക്കുന്നത്. പാമ്പിനെ ഉപയോഗിച്ച് ഉത്രയെ കൊലപ്പെടുത്തിയ കേസില്‍ ഭര്‍ത്താവ് സൂരജ് മാത്രമാണ് പ്രതി. കൊലപാതക ശ്രമം, കൊലപാതകം, മാരകമായി മുറിവേല്‍പ്പിക്കല്‍ തുടങ്ങിയ കുറ്റങ്ങളാണ് ഇയാള്‍ക്കെതിരെ ചുമത്തിയിരിക്കുന്നത്.
കഴിഞ്ഞ ആഗസ്ത് പതിനാലിന് അന്വേഷണ സംഘം കുറ്റപത്രം സമര്‍പ്പിച്ചിരുന്നു. മേയ് ആറിനാണ് മൂര്‍ഖനെ കൊണ്ട് കടിപ്പിച്ച്‌ യുവതിയെ സൂരജ് കൊലപ്പെടുത്തിയത്. പാമ്പുപിടുത്തക്കാരനായ സുരേഷിന്റെ കയ്യില്‍ നിന്നാണ് ഇയാള്‍പാമ്പിനെ വാങ്ങിയത്.
ഏപ്രില്‍ മാസത്തില്‍ സൂരജ് അണലിയെ ഉപയോഗിച്ച് ഉത്രയെ കൊലപ്പെടുത്താന്‍ നോക്കിയിരുന്നു. പാമ്പ് കടിയേറ്റെങ്കിലും യുവതി രക്ഷപ്പെട്ടു. തുടര്‍ന്ന് സുരേഷിന്റെ കയ്യില്‍ നിന്നും സൂരജ് മൂര്‍ഖനെ വാങ്ങുകയായിരുന്നു. തുടര്‍ച്ചയായി രണ്ടുതവണ ഉത്രയ്ക്ക് പാമ്പ് കടിയേറ്റതോടെ സംശയം തോന്നിയ ബന്ധുക്കള്‍ പരാതി നല്‍കുകയായിരുന്നു.
തുടര്‍ന്ന് നടത്തിയ അന്വേഷണത്തിലാണ് കൊലപാതകമാണെന്ന് കണ്ടെത്തിയത്. ആദ്യം അഞ്ചല്‍ പോലിസ് അന്വേഷിച്ച കേസ് പിന്നീട് ജില്ലാ ക്രൈംബ്രാഞ്ച് ഏറ്റെടുക്കുകയായിരുന്നു. മേയ് 24നാണ് സൂരജിനെ അറസ്റ്റ് ചെയ്തത്. പാമ്പിനെ നല്‍കിയ സുരേഷ് മാപ്പ് സാക്ഷിയായി.
Related News
സര്ക്കാര്-ഗവര്ണര് പോര് രൂക്ഷം; തമിഴ്നാട് ഗവര്ണര് പത്ത് ബില്ലുകള് തിരിച്ചയച്ചു
ഭാര്യയെ തല്ലുന്നത് ആണത്തം ആണെന്നും, ക്ഷമിക്കുകയും സഹിക്കുകയും ചെയ്യുന്നതാണ് സ്ത്രീത്വത്തിന്റെ ലക്ഷണമെന്നും കരുതരുത്; മുഖ്യമന്ത്രി
പേയിങ് ഗസ്റ്റായി താമസിച്ച വീട്ടില് നിന്നും മൂന്ന് ലക്ഷത്തിലധികം രൂപയുടെ മോഷണം; പ്രമുഖ സീരിയല് നടിമാര് അറസ്റ്റില്‍
'ഉപ്പ് തിന്നവര് വെള്ളം കുടിക്കും'-മരം മുറിയില് നിലപാട് ആവര്ത്തിച്ച് മുഖ്യമന്ത്രി