ഇടക്കാല പ്രസിഡന്റ് ആവാനില്ല; സോണിയ

News Desk

12 July 2019 10:38 AM

ന്യൂഡൽഹി : കോണ്‍ഗ്രസിന്റെ ഇടക്കാല പ്രസിഡന്റായി ചുമതലയേല്‍ക്കണമെന്ന പാർട്ടി നേതാക്കളുടെയും എം.പി.മാരുടെയും അഭ്യര്‍ഥന സോണിയാഗാന്ധി തള്ളി. കര്‍ണാടകത്തിലും ഗോവയിലും കടുത്ത പ്രതിസന്ധി നേരിടുന്ന ഘട്ടത്തില്‍ പാര്‍ട്ടിക്ക് പ്രസിഡന്റില്ലാത്തതു കൂടുതല്‍ ദോഷം ചെയ്യുമെന്നതിനാലായിരുന്നു നേതാക്കളുടെ അഭ്യര്‍ഥന.

പദവി സ്വീകരിക്കാനാവില്ലെന്ന്‌ സോണിയ വ്യക്തമാക്കിയതായി ഉന്നത കോൺഗ്രസ്‌ വൃത്തങ്ങള്‍ അറിയിച്ചു. പരാജയത്തിന്റെ ഉത്തരവാദിത്വമേറ്റെടുത്ത് രാജിവെക്കുന്ന വേളയില്‍ രാഹുല്‍ഗാന്ധി പറഞ്ഞ കാര്യങ്ങള്‍ സോണിയ നേതാക്കളുടെ ശ്രദ്ധയില്‍പ്പെടുത്തി. നേതാക്കളോടു വിസമ്മതം അറിയിച്ചെങ്കിലും ഒരു ദേശീയ ചാനലിന്റെ ഇതുസംബന്ധിച്ച ചോദ്യത്തിന് അനുകൂലമായോ പ്രതികൂലമായോ സോണിയ ഉത്തരം നൽകിയില്ല.