കനത്ത മഴ: തിരുവനന്തപുരം ജില്ലയിലെ വിദ്യാഭ്യാസ സ്ഥാപനങ്ങൾക്ക് നാളെ അവധി; പിഎസ്സി പരീക്ഷ മാറ്റി
ഏറെ നാള് നീണ്ട അനിശ്ചിതത്വങ്ങള്ക്ക് അവസാനം. പ്രതിപക്ഷത്തെ വി.ഡി സതീശന് എം.എല്.എ നയിക്കും. വി.ഡി. സതീശനെ പ്രതിപക്ഷ നേതാവാക്കണമെന്ന നിര്ദേശം ഹൈക്കമാന്ഡ് സംസ്ഥാന നേതൃത്വത്തെ അറിയിച്ചു.
തലമുറമാറ്റത്തിന് കോണ്ഗ്രസ് ഹൈക്കമാന്റ് വഴങ്ങിയതായാണ് പുറത്തുവരുന്ന റിപ്പോര്ട്ടുകള്. ഔദ്യോഗിക പ്രഖ്യാപനം ഉടന് ഉണ്ടാകുമെന്നാണ് വിവരം.
യുവ എം.എല്.എ മാരുടെ ശക്തമായ പിന്തുണയെതുടര്ന്നാണ് വി.ഡി സതീശനെ പ്രതിപക്ഷ നേതാവാക്കാന് ഹൈക്കമാന്റ് തീരുമാനിച്ചത്. മുതിര്ന്ന നേതാക്കളില് ഒരു വിഭാഗവും സതീശനെ പിന്തുണച്ചു. കെ സി വേണുഗോപാലും പിന്തുണച്ചതോടെയാണ് വി ഡി സതീശന് പ്രതിപക്ഷ നേതൃസ്ഥാനത്തേക്ക് എത്തുന്നത്.
ഉമ്മന് ചാണ്ടിയും രമേശ് ചെന്നിത്തലയും ഉള്പ്പെടെയുള്ള മുതിര്ന്ന നേതാക്കളുടെ എതിര്പ്പ് അവഗണിച്ചാണ് സതീശനെ നേതാവാക്കാനാനുള്ള തീരുമാനം. ഇരുപത്തിയൊന്നംഗ കോണ്ഗ്രസ് പാര്ലമെന്ററി പാര്ട്ടിയില് 12 പേര് സതീശനെ പിന്തുണയ്ക്കുന്നുണ്ടെന്നാണ് അറിയുന്നത്. ഭൂരിപക്ഷം മാനിച്ച് സതീശനെ പ്രഖ്യാപിക്കാനുള്ള ഒരുക്കത്തിലായിരുന്നു ഹൈക്കമാന്ഡ്. എന്നാല് അപ്രതീക്ഷിതമായി സതീശനെതിരെ ഉമ്മന് ചാണ്ടി രംഗത്തുവന്നതോടെ പ്രഖ്യാപനം നീട്ടി. രമേശിനെ തന്നെ പ്രതിപക്ഷ നേതാവായി നിലനിര്ത്തണമെന്ന് ഉമ്മന് ചാണ്ടി ഹൈക്കമാന്ഡിനോട് ആവശ്യപ്പെടുകയായിരുന്നു.