പാലത്തായി പീഡനം: എസ്.പി ഓഫിസിനുമുന്നില് യൂത്ത് കോണ്ഗ്രസ് സമരം
കണ്ണൂര്: പാലത്തായി പീഡനക്കേസില് പ്രതിയായ ബി.ജെ.പി നേതാവിനെ അറസ്റ്റു ചെയ്യണമെന്നാവശ്യപ്പെട്ട് യൂത്ത് കോണ്ഗ്രസിെന്റ നേതൃത്വത്തില് കണ്ണൂര് എസ്.പി ഓഫിസിനുമുന്നില് സമരം. സമരക്കാരെ പൊലീസ് അറസ്റ്റ്ചെയ്തതോടെ ടൗണ് സ്റ്റേഷനിലും സമരം തുടരുകയാണ്.
യൂത്ത് കോണ്ഗ്രസ് സംസ്ഥാന വൈസ് പ്രസിഡന്റ് റിജില് മാക്കുറ്റി, ജില്ല പ്രസിഡന്റ് സുധീപ് ജെയിംസ്, സംസ്ഥാന ഭാരവാഹികളായ വിനേഷ് ചുള്ളിയാന്, കെ. കമല്ജിത്ത്, സന്ദീപ് പാണപ്പുഴ എന്നിവരാണ് രാവിലെ 9.30 മുതല് സമരം തുടങ്ങിയത്. എസ്.പി ഓഫിസിനുമുന്നില് കോവിഡ് പശ്ചാത്തലത്തില് സാമൂഹിക അകലം പാലിച്ചാണ് സമരക്കാര് കുത്തിയിരുന്നത്. അല്പസമയത്തിനുശേഷം ടൗണ് പൊലീസെത്തി അഞ്ചുപേരെയും അറസ്റ്റ് ചെയ്തു. കണ്ണൂര് ടൗണ് സ്റ്റേഷനിലേക്ക് മാറ്റിയ ഇവര് അവിടെ നിരാഹാര സമരത്തിലാണ്. അറസ്റ്റിലായവരെ ഡി.സി.സി പ്രസിഡന്റ് സതീശന് പാച്ചേനി സന്ദര്ശിച്ചു.