തിരുവനന്തപുരത്ത് യൂത്ത് കോണ്ഗ്രസ് മാര്ച്ചില് സംഘര്ഷം
തിരുവനന്തപുരം: സര്ക്കാരിന്റെ പിന്വാതില് നിയമനങ്ങള്ക്കെതിരേ യൂത്ത് കോണ്ഗ്രസ് പ്രവര്ത്തകര് സെക്രട്ടറിയേറ്റിലേക്ക് നടത്തിയ മാര്ച്ചില് സംഘര്ഷം. പോലീസ് ജലപീരങ്കിയും കണ്ണീര്വാതകവും പ്രയോഗിച്ചു.
മാര്ച്ച് പോലീസ് തടഞ്ഞതോടെയാണ് സംഘര്ഷമുണ്ടായത്. പോലീസിനെ മറികടന്ന് മുന്നോട്ടുപോകാന് ശ്രമിച്ച പ്രവര്ത്തകര്ക്കെതിരേ ആദ്യം ജലപീരങ്കിയും പ്രതിഷേധക്കാര് പിരിഞ്ഞുപോകാതെ വീണ്ടും സംഘടിച്ചതോടെയാണ് കണ്ണീര്വാതകവും പ്രയോഗിക്കുകയായിരുന്നു.
സ്ഥലത്ത് പ്രതിഷേധക്കാരും പോലീസും തമ്മില് വാക്കേറ്റവും ഉന്തും തള്ളുമുണ്ടായി. കെ.എസ്.ശബരിനാഥന് എംഎല്എയുടെ നേതൃത്വത്തിലാണ് വനിതാ പ്രവര്ത്തകര് ഉള്പ്പടെ സെക്രട്ടറിയേറ്റിലേക്ക് മാര്ച്ച് നടത്തിയത്.