നിപ; തമിഴ്‍നാട് അതിർത്തിയിലും ജാഗ്രത നിർദ്ദേശം

News Desk

10 June 2019 12:15 PM

ഇടുക്കി: കേരളത്തിൽ വീണ്ടും നിപാ സ്ഥിരീകരിച്ച സാഹചര്യത്തിൽ ജാഗ്രതാ നിർദേശവുമായി തമിഴ‌്നാട‌് ആരോഗ്യ വകുപ്പ‌ും. കേരളവുമായി അതിർത്തി പങ്കിടുന്ന മേഖലകളിലാണ‌് നിപാ ജാഗ്രതയെ കുറിച്ച‌് ആരോഗ്യവകുപ്പ‌് ബോധവൽക്കരണം നടത്തുന്നത‌്. ഇടുക്കി ജില്ലയിലെ അതിർത്തി പ്രദേശമായ കമ്പത്ത‌് ജൂൺ അഞ്ച‌ു മുതൽ ബോധവൽക്കരണം നൽകാനായി പ്രത്യേക കേന്ദ്രം പ്രവർത്തിക്കുന്നുണ്ട‌്.

ജില്ലയിലെ വിവിധ തോട്ടങ്ങളിലേക്കായി ആയിരക്കണക്കിന‌് പേരാണ‌് അതിർത്തി കടന്ന‌് ദിവസവും കേരളത്തിൽ എത്തുന്നത‌്. ഇവർ മിക്കവരും വനപ്രദേശങ്ങളിലാണ‌് ജോലി ചെയ്യുന്നത‌്. ഇവിടം വവ്വാലിന്റെ സാന്നിധ്യം ഉണ്ടാവാൻ സാധ്യതയുള്ളതിനാലാണ‌് നിർദേശങ്ങൽ നൽകുന്നതെന്ന‌് കമ്പം ബ്ലോക്ക‌് ഹെൽത്ത‌് സൂപ്പർവൈസർ കണ്ണൻ പറഞ്ഞു.