റെക്കോർഡ് ശർമ്മ
സതാംപ്ടൺ : 2019 ലോകകപ്പ് ക്രിക്കറ്റിലെ ഇന്ത്യയുടെ ആദ്യ മത്സരത്തിൽ ത്രസിപ്പിക്കുന്ന വിജയം സമ്മാനിച്ച ഹിറ്റ്മാൻ രോഹിത് ശർമ്മ നേടിയത് സെഞ്ചുറിക്കൊപ്പം നിരവധി റോക്കോർഡുകളും. ഏകദിന സെഞ്ചുറികളുടെ കാര്യത്തിൽ മുൻ നായകൻ സൗരവ് ഗാംഗുലിയെ രോഹിത് മറികടന്നു. ഇന്നലെ നേടിയത് രോഹിതിന്റെ ഇരുപത്തിമൂന്നാമത് സെഞ്ചുറിയാണ്. ഗാംഗുലിയുടെ പേരിൽ 22 ഏകദിന സെഞ്ചുറികളാണ് ഉള്ളത്.
ദക്ഷിണാഫ്രിക്കയ്ക്കെതിരെ ഏറ്റവും കൂടുതല് സെഞ്ച്വറികള് അടിച്ച ഇന്ത്യന് താരങ്ങളുടെ പട്ടികയില് മൂന്നാമതെത്താനും രോഹിത്തിനു കഴിഞ്ഞു. 5 സെഞ്ച്വറികളുമായി സച്ചിനാണ് ഈ പട്ടികയിലും മുന്നില്. രണ്ടാമത് 4 സെഞ്ച്വറികളുമായി വിരാട് കോഹ്ലിയും. മൂന്നാം സ്ഥാനത്ത് 3 വീതം സെഞ്ച്വറികളുമായി ശിഖര് ധവാന്, ഗാംഗുലി എന്നിവര്ക്കൊപ്പമാണ് രോഹിത്.
ലോകകപ്പില് ദക്ഷിണാഫ്രിക്കയ്ക്കെതിരെ സെഞ്ച്വറി നേടുന്ന മൂന്നാമത്തെ ഇന്ത്യന് താരമാണ് രോഹിത് സച്ചിന് ധവാന് എന്നിവരാണ് ഈ പട്ടികയില് മുന്നിലുള്ളത്. 2001 ലോകകപ്പില് നാഗ്പൂരിലായിരുന്നു സച്ചിന് 100 അടിച്ചത്. ധവാനാകട്ടെ 2015 ലെ ലോകകപ്പില് മെല്ബണില് വെച്ചും.
വിദേശ പിച്ചുകളിലെ ഇന്ത്യന് ഓപ്പണര്മാരുടെ ഏകദിന സെഞ്ച്വറികളുടെ എണ്ണത്തില് ധവാനെ മറികടന്ന് മൂന്നാമനാകാനും രോഹിത്തിന് ഇന്ന് കഴിഞ്ഞു. 12 സെഞ്ച്വറിയാണ് രോഹിത്തിന്റെ സമ്പാദ്യം ധവാന് 11 ഉം. രോഹിത്തിനു മുന്നില് 15 സെഞ്ച്വറികളുമായി ഗാംഗുലിയും 26 സെഞ്ച്വറികളുമായി സച്ചിനുമാണുള്ളത്.