രോഹിതിനും രാഹുലിനും സെഞ്ചുറി; ഇന്ത്യ കൂറ്റൻ സ്കോറിലേക്ക്
വിശാഖപട്ടണം: വെസ്റ്റിൻഡീസിനെതിരായ രണ്ടാം ഏകദിനത്തിൽ ഇന്ത്യ മികച്ച നിലയിൽ. നേരത്തെ ഓപ്പണിങ് കൂട്ടുകെട്ടിൽ രോഹിത് ശർമയും ലോകേഷ് രാഹുലും ഇരട്ട സെഞ്ചുറി കൂട്ടുകെട്ട് . രോഹിത് ശർമയാണ് ആദ്യം സെഞ്ചുറി തികച്ചത്. 107 പന്തിൽ നിന്നായിരുന്നു രോഹിത് 28–ാം ഏകദിന സെഞ്ചുറി പൂർത്തിയയാക്കിയത്. 138 പന്തിൽ 17 ഫോറും 5 സിക്സും ഉൾപ്പെടെ 159 റൺസ് നേടിയാണ് രോഹിത് പുറത്തായത്. 104 പന്തിൽ എട്ടു ഫോറും മൂന്നു സിക്സും സഹിതമാണ് രാഹുൽ 102 റൺസോടെ മൂന്നാം ഏകദിന സെഞ്ചുറി കുറിച്ചത്.രാഹുൽ പുറത്തായ ശേഷം വന്ന ക്യാപറ്റൻ വിരാട് കോഹ്ലി റണ്ണൊന്നും എടുക്കാതെ പുറത്തായി.
ഒടുവിൽ വിവരം ലഭിക്കുമ്പോൾ 44 ഓവറിൽ 3 വിക്കറ്റ് നഷ്ടത്തിൽ 294 എന്ന നിലയിലാണ് ഇന്ത്യ. ശ്രേയസ് അയ്യരും റിഷാബ് പന്തുമാണ് ക്രീസിൽ. വിന്ഡീസിനായി പൊള്ളാർഡ്, ജോസഫ്, കൊട്ടരാൽ എന്നിവർ ഓരോ വിക്കറ്റ് നേടി.