മഴയും കാറ്റും ചേർന്നെഴുതിയ പ്രണയകാവ്യം | ലൂക്ക | Review

News Desk

28 June 2019 10:25 PM

സിനിമ കാണുന്നതിന് മുൻപ് തന്നെ കണ്ടിറങ്ങിയ കുറച്ച് കൂട്ടുകാരുടെ അടുത്ത് അഭിപ്രായം ചോദിച്ചിരുന്നു ഒരാൾ ഒഴികെ എല്ലാവരും മനസുമടുപ്പിക്കുന്ന അഭിപ്രായമാണ് രേഖപ്പെടുത്തിയത്. നിരാശ പ്രതീക്ഷിച്ചാണ് തിയേറ്ററിൽ കയറിയത്......

ഒരുമിക്കാൻ കഴിയാതെ പോയ പല പ്രണയകഥകളും, കണ്ടു മറന്ന നിസ്സഹായാവസ്ഥ. 130 മിനിട്ട് നീളുന്ന ചിത്രം തുടക്കം കണ്ട ഫ്രയിമിൽ ഒരു നിരാശ. കണ്ടു കഴിഞ്ഞപ്പോൾ ഉള്ളിൽ ഒരു നോവ് , എവിടെയോ ഞാൻ മാത്തനെയും അപ്പുവിനെയും കണ്ടു. നവാഗത സംവിധായകനായ അരുൺ ബോസ് തീർത്തുവച്ചിരിക്കുന്നത് ഒരു പ്രണയകാവ്യം തന്നെയാണ്. അഭിനയിക്കുന്ന സിനിമയിൽ എല്ലാം തന്നെ തന്റേതായ ഒരു മുഘമുദ്ര പതിപ്പിക്കുന്ന ശൈലി ടോവി ഇത്തവണയും മറന്നിട്ടില്ല. ലൂക്ക എന്ന കലയെ സ്നേഹിക്കുന്ന ജീവിതത്തെ പലകോണുകളിൽ നിന്ന് വീക്ഷിക്കുന്ന ഈ കഥാപാത്രം നമുക്ക് മറ്റൊരാളെ കാണുക പ്രയാസമായിരിക്കും. ഒരു നീണ്ട ഇടവേളയ്ക്ക് ശേഷം തിരശീലയിൽ പ്രേത്യക്ഷപ്പെടുന്ന അഹാന കൃഷ്ണകുമാർ, മായനദിയിലെ അപ്പുവിനെ പോലെ സിനിമയെ സ്നേഹിക്കുന്നവരുടെ മനസ്സിൽ ഒരു ഇടംകാണും എന്നുള്ളത് തീർച്ച.

നിതിന്‍ ജോര്‍ജ്, വിനീത കോശി, അന്‍വര്‍ ഷെരീഫ്, ഷാലു റഹീം, പൗളി വല്‍സന്‍, തലൈവാസല്‍ വിജയ്, ജാഫര്‍ ഇടുക്കി, ചെമ്പില്‍ അശോകന്‍, ശ്രീകാന്ത് മുരളി, രാഘവന്‍, നീന കുറുപ്പ്, ദേവി അജിത് എന്നിവരാണ് ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. ഗാനങ്ങൾ എല്ലാം തന്നെ നമ്മെ സിനിമയുടെ മറ്റൊരു ഫീലിൽ എത്തിക്കുവാൻ 100% സഹായിച്ചിരിക്കുന്നു. സൂരജ് എസ് കുറുപ്പാണ് ചിത്രത്തിലെ ഗാനങ്ങള്‍ക്ക് ഈണം പകര്‍ന്നിരിക്കുന്നത്.

രക്തത്തിൽ തീർത്ത പ്രണയകാവ്യം എന്നതിലുപരി തുപ്പലിൽ തീർത്ത പ്രണയകാവ്യം എന്ന് വിശേഷിപ്പിക്കാനാണ് ആഗ്രഹിക്കുന്നത്

സിനിമയുടെ അവസാനം ഇങ്ങനെ ഒരു സംഭാഷണം

ഒരു ദിവസം മണ്ണാംകട്ടയും കരീലയും പോകുന്ന വഴിയ്ക്ക് ശക്തിയായ കാറ്റുവന്നു മണ്ണാംകട്ട ഉടനെ കരീലയുടെ മുകളിൽ കയറിയിരുന്നു കാട്ടുകുറഞ്ഞതിനു ശേഷം അവർ വീണ്ടും യാത്രയായി കുറച്ച് ദൂരം പിന്നിട്ടപ്പോൾ മഴപ്പെയ്യൻ തുടങ്ങി കരീല ഉടനെ മണ്ണാങ്കട്ടയുടെ മുകളിൽ പൊതിഞ്ഞു മഴതീർന്നതിനുശേഷം വീണ്ടും അവർ യാത്രയായി കുറച്ച് കഴിഞ്ഞപ്പോൾ മഴയും കാറ്റും ഒരുമിച്ചുവന്നു.

സിനിമയെ സ്നേഹിക്കുന്നവർ ഒരിക്കലും ടോറന്റിൽ വന്നതിനു ശേഷം വാഴ്ത്തരുത് അത് ചിലപ്പോൾ മറ്റൊരു മാത്തന്റെ ജനനം ആകാം.അഞ്ചിൽ എത്ര പത്തിൽ എത്ര എന്ന് പറഞ്ഞു നിലവാരം കുറയ്ക്കുന്നില്ല. ലൂക്ക നിങ്ങളെ നിരാശപ്പെടുത്തില്ല.

--- Sivneeth C Mohan