കോട്ടയം ജില്ലാ പഞ്ചായത്ത് പ്രസിഡന്റ് സ്ഥാനം; ജോസ് കെ മാണി-പിജെ ജോസഫ് വിഭാഗങ്ങൾ പങ്കിട്ടേക്കും

News Desk

25 July 2019 09:56 AM

തിരുവനന്തപുരം: കോട്ടയം ജില്ലാ പഞ്ചായത്ത് പ്രസിഡന്റ് സ്ഥാനം ജോസ് കെ. മാണി, പി.ജെ. ജോസഫ് വിഭാഗങ്ങള്‍ പങ്കിടണമെന്ന് യുഡിഎഫില്‍ ധാരണ. ആദ്യ ടേം ജോസ് കെ മാണി വിഭാഗത്തിനാണ് ലഭിക്കുക. ഇരുവിഭാഗവും തിരുവനനന്തപുരത്ത് യുഎഡിഎഫ് നേതൃത്വവുമായി നടത്തിയ ചര്‍ച്ചയിലാണ് നിര്‍ദേശം മുന്നോട്ട് വെച്ചത്. യുഡിഎഫ് ഘടകക്ഷികളുമായി കൂടിയാലോചിച്ച് അന്തിമ തീരുമാനം അറിയിക്കാമെന്ന് കോണ്‍ഗ്രസ് നേതാക്കള്‍ ജോസ് കെ.മാണിയെ അറിയിച്ചിട്ടുണ്ട്.

ഇരുവിഭാഗങ്ങളും ധാരണയാകാത്തതിനെത്തുടര്‍ന്ന് പ്രസിഡന്റ് സ്ഥാനം കോണ്‍ഗ്രസ് ഏറ്റെടുത്തേക്കുമെന്ന് റിപ്പോര്‍ട്ടുകളുണ്ടായിരുന്നു. ഭരണത്തിന്റെ അവസാനവര്‍ഷം പ്രസിഡന്റ് സ്ഥാനം കേരള കോണ്‍ഗ്രസിനു നല്‍കാന്‍ കോണ്‍ഗ്രസ് പ്രതിനിധി രാജിവെച്ചു. എന്നാല്‍, ജോസ്, ജോസഫ് വിഭാഗങ്ങള്‍ പ്രത്യേകം സ്ഥാനാര്‍ഥികളെ പ്രഖ്യാപിക്കുകയായിരുന്നു.