ഇടതു മന്ത്രിസഭയില്‍ രണ്ടു സീറ്റുകള്‍ ആവശ്യപ്പെട്ട് കേരള കോണ്‍ഗ്രസ് മാണി വിഭാഗം
തിരുവനന്തപുരം: പിണറായി മന്ത്രിസഭയില്‍ കേരള കോണ്‍ഗ്രസ് മാണി വിഭാഗം രണ്ടുസീറ്റുകള്‍ ആവശ്യപ്പെട്ടതായി സൂചന. ഘടക കക്ഷികളുമായി സിപിഎം നേതാക്കള്‍ ഇന്ന് നടത്തിയ ചര്‍ച്ചയിലാണ് ഇക്കാര്യം ജോസ് കെ.മാണി ആവശ്യപ്പെട്ടിരിക്കുന്നത്.
‘കേരള കോണ്‍ഗ്രസ് പാര്‍ട്ടിക്ക് മന്ത്രിസഭയില്‍ അര്‍ഹതപ്പെട്ട പ്രാതിനിധ്യം ഉണ്ടാകണമെന്ന് കൃത്യമായി ആവശ്യപ്പെട്ടിട്ടുണ്ട്. അതുമായി ബന്ധപ്പെട്ട് കൂടുതല്‍ ചര്‍ച്ചയാകാം എന്ന് നേതൃത്വം അറിയിച്ചിട്ടുണ്ട്. തിരഞ്ഞെടുപ്പില്‍ ഉണ്ടായ മുന്നേറ്റം ചര്‍ച്ചയില്‍ അറിയിച്ചു. ഇടതുപക്ഷ ജനാധിപത്യ മുന്നണി ഒറ്റക്കെട്ടായാണ് ഇത്തവണ തിരഞ്ഞെടുപ്പിനെ സമീപിച്ചതെ’ന്നും എ.കെ.ജി.സെന്ററില്‍ മന്ത്രിസഭാ ചര്‍ച്ചകള്‍ക്കായി എത്തിയ ജോസ് കെ.മാണി. മാധ്യമങ്ങളോട് പ്രതികരിക്കവേ വ്യക്തമാക്കി.
അതേസമയം രണ്ട് മന്ത്രിസ്ഥാനം വേണമെന്ന് ജോസ് ആവശ്യപ്പെട്ടെങ്കിലും ഇതു സാധ്യമല്ലെന്ന് കോടിയേരി വ്യക്തമാക്കിയതായാണ് സൂചന. ഒരു മന്ത്രിസ്ഥാനവും ക്യാബിനറ്റ് റാങ്കോടെ ചീഫ് വിപ്പ് പദവിയും നല്‍കാം എന്ന് സിപിഎം ജോസ് കെ മാണിയെ അറിയിച്ചിട്ടുണ്ട്. ഈ നി‍ര്‍ദേശം പാര്‍ട്ടി പരിഗണിച്ചു കൊണ്ടിരിക്കുകയാണ്.
ഇന്ന് ച‍ര്‍ച്ചയ്ക്ക് വന്ന എല്ലാ കക്ഷികളും മന്ത്രിസ്ഥാനം ആവശ്യപ്പെട്ടിട്ടുണ്ട്. സിപിഎമ്മിനും സിപിഐക്കും കൂടി കേവലഭൂരിപക്ഷത്തിനാവശ്യമായ എംഎല്‍എമാ‍ര്‍ ഉള്ളതിനാല്‍ മുന്നണിയെ സമ്മര്‍ദത്തിലാക്കി മന്ത്രിസ്ഥാനം നേടാന്‍ ഘടകക്ഷികള്‍ക്കാവില്ല. ജെഡിഎസും എല്‍ജെഡിയും മന്ത്രിസ്ഥാനം ആവശ്യപ്പെട്ടെങ്കിലും രണ്ട് കൂട്ടരും ലയിച്ചു വന്നാല്‍ മന്ത്രിസ്ഥാനം നല്‍കാം എന്ന് സിപിഎം അറിയിച്ചു. എന്നാല്‍ രണ്ട് ദേശീയപാര്‍ട്ടികളും ലയിക്കുന്നതിലെ നിയമപ്രശ്നമാണ് അവര്‍ ചൂണ്ടിക്കാട്ടുന്നത്. ലയനം സംബന്ധിച്ച്‌ രണ്ട് പാര്‍ട്ടി നേതൃത്വത്തിലും അഭിപ്രായഭിന്നതയും നിലനില്‍ക്കുന്നുണ്ട്. തര്‍ക്കം തുടര്‍ന്നാല്‍ ജെഡിഎസിനാവും മന്ത്രിസ്ഥാനം ലഭിക്കുക.
Related News
സിനിമാ താരം നോബിയുടെ മാതാവ് മരണപ്പെട്ടു
രാഹുൽ മാങ്കൂട്ടത്തിൽ യൂത്ത് കോൺഗ്രസ് സംസ്ഥാന പ്രസിഡന്റ്
'ഉപ്പ് തിന്നവര് വെള്ളം കുടിക്കും'-മരം മുറിയില് നിലപാട് ആവര്ത്തിച്ച് മുഖ്യമന്ത്രി
ഒക്ടോബർ രണ്ടിനകം മുഴുവൻ വില്ലേജ് ഓഫീസ് സേവനങ്ങളും ഓൺലൈനായി ലഭ്യമാക്കും; അഞ്ചുവർഷത്തിനകം എല്ലാ വില്ലേജ് ഓഫീസുകളും സ്മാർട്ട് ആക്കും; മുഖ്യമന്ത്രി